bilbohiria.com - Bilbo Hiria Irratia

bilbohiria.com-ek itxura berria

admin — Fri, 21 Nov 2008 00:07:37 +0000

Egunotan Bilbo Hiria irrratiaren webgunea eraberritzen ibili gara. Instalazioa eguneratu eta itxura berria ezartzeaz gain, Zabaldu, Aupatu, bildu.net eta bestelako markagailuetarako loturak ezarri ditugu. Creative Commons lizentzia ere ezarri dugu webgunean eta, horren ondorioz, gure edukiak kopiatzeko baimena duzue. Gure testuak eta irratsaioak zure irratian edo zure webgunean erabiltzeko libre zarete iturria aipatuz gero (eta posible bada, halaber, erabilpen horren berri guri emanez). Orain arte bezala, webgunea abian jarri genuenetik egundainoko irratsaio guztiak aurkituko dituzue berton. Gogoratu beharra dago bilbohiria.com Wordpress kudeaketa sistemarekin egina dagoela.

Ruper ikusteko sarrerak (agortu zaizkigu)

admin — Fri, 21 Nov 2008 00:06:10 +0000

Datorren larunbatean, azaroaren 22an, Ruper Ordorika Bilboko Kafe Antzokian zuzenean ikusteko 10 sarrera banatzen ari gara entzuleen artean. Horretarako telefonoz deitu edo sarrerak eskatuz webguneko kontaktu formulariotik mezua bidaltzen digutenen artean. Lehenengoek eskuratuko dituzte sarrerok. Zorte on!

EGUNERAKETA: Agortu zaizkigu banatzeko geneuzkan sarrerak. Webgunetik eta telefonoz sarreraren bat eskuratu duzuenok ondo pasa eta besteok… Hurrengo batean arinago ibili!

IBAIZABAL: Garzon eta 36ko biktimak

BilboHiria — Thu, 20 Nov 2008 11:00:40 +0000

Duela hile batzuk Garzonen ekimenak ilusioa (eta zalantza) sortu bazuen ere, epaile mediatikoak alde egin du lana bukatu gabe. Martxelo Alvarez Ahaztuak taldeko kideak kontatu duenez, haiek lanean jarraituko dute gizartean baitute aliatu nagusia 36ko gerraren biktimei zor zaiena lortzeko. Martxelok azpimarratu du Garzonen ekimenaren bitartez lehenbizikoz jarri dela auzitan orain arte trantsizioan mahai azpian geratu den gaia: frankismoaren krimenak alegia. Orain, Probintzietako epeileengan geratu da afera eta ez da erraza izango hortik aurrera egitea. Edozein kasutan ere, Ahaztuakek lanean jarraituko du, oroimen historikoa lantzen: urrian Larragan izan ziren, frankistek han fusilatu zutenak omentzen (besteak beste, Maravillas Lamberto 14 urteko neska), eta abenduan Durangoko azokan izango dira gaiari buruzko zenbait liburu eta diskorekin.

Elkarrizketa hau deskargatzeko klikatu HEMEN.

IBAIZABAL: Wikipediak gero eta sinesgarritasun handiago

BilboHiria — Thu, 20 Nov 2008 10:00:44 +0000

Gaurko kolaborazioan Jose Rojasek Wikipediaren sinesgarritasun gero eta handiagoaz jardun du. Jakin berri dugunez, Espasa-Calpe entziklopedia komertzialek hainbat eduki kopiatu dizkio hiztzez hitz entziklopedia elektroniko askeari. Bestalde, gorrek telefonoz hitz egin ahal dezaten sistema berezi batez ere mintzatu zaigu Jose , eta bere azken gaia YouTubek aurrerantzean bere zenbait bideotan erabiliko duen publizitatea izan da.

Elkarrizketa hau deskargatzeko klikatu HEMEN.

MUSIBLA: Neil Young, Zura, Dean and Britta…

BilboHiria — Wed, 19 Nov 2008 16:00:18 +0000

Neil Young izango dugu lehenengo gonbidatu gisa bere ibilbidea biltzen duen disko bat aurkeztuz, Zura taldea ere egongo da gurean, bere azken diskotik (Kiribil) ateratako kantu birekin. Hauetaz gainera Pinbol taldea ere ekarri dugu, aspaldi entzun gabe genuen disko zoragarria gogoratuz. Beste hainbat musikari eta proposamen ere bildu ditugu gaurko saioan. On egin.

Saio hau deskargatzeko klikatu HEMEN.

IBAIZABAL: Gabonetako gastuak

BilboHiria — Wed, 19 Nov 2008 10:00:23 +0000

Kontsumoak aurten jaitsiera nabarmena izan du krisialdiak eraginda eta Gabonetan ere, jaitsiera hori nabaritu egingo dela esan digu Jose Luis Segura Euskal Herriko Kontsumitzaileen Antolamenduko komunikazio arduradunak. Batez beste, EAEn 1.100 euro gastatuko ditu familia bakoitzak, iaz baino %5 gutxiago. Kontuan hartuta gastu hauetan EAE Europako bigarrena dela eta Espainiar estatua baino % 15 gehiago gastatzen dugula, ondo daude Oparietan, Janarietan eta Irtenaldietan gastuak murrizteko Jose Luisek emandako aholku batzuk.

Elkarrizketa hau deskargatzeko klikatu HEMEN.

SOLASALDIA: S. Frantziskoko bideo-kamerak

BilboHiria — Wed, 19 Nov 2008 09:00:23 +0000

Bilboko auzo horren kale nagusietan bideo-kamera begiraleak jartzea erabaki du Bilboko udalak, alderdi horretan ematen diren lege-hauste eta delituak gutxiarazteko. Udalaren ustez, egitasmo honek bat egiten du auzokideen eskariarekin. Arturo Isarzelaia S. Frantziskoko Auzo Elkarteko kideak, kontrakoa pentsatzen du eta Bilbo Zaharra, S. Frantzisko eta Zabalako Koordinakundearekin bat eginez sakondu egin du arazoaren azterketa. Hasteko, bideo-kamerek ez dute bat egiten datorren urtean amaituko den auzo horiek birgaitzeko Egitasmo Bereziarekin. Jarraitzeko, S. Frantziskon delituak badira (horra hor droga trafiko itzela) baina arazo guztien atzean bizikidetza arazoak daude, eta batez ere, erakunde publikoek jarritako bitarteko eskasak. Bideo-kamerek askatasuna eta pertsonen pribatutasuna urratzen dituztela gogoratu du Arturok, zenbait politikari eta hedabide handien mesederako.

Solasaldi hau deskargatzeko klikatu HEMEN.

PIPERPOLIS: Zura taldearen Kiribil lan berria

BilboHiria — Mon, 17 Nov 2008 18:00:02 +0000

Bossarekin bat egiten du Zura taldearen lan berriak. Kiribil diskoa euskaraz eginiko bossanova diskoa da. Tradizio ezberdinetatik edaten duena rocka, funk edo jazza, piperpolisen irratian Zura taldearen doinuak entzun eta Xabi Strubellekin diskoa ezagutuko dugu.

Saio hau deskargatzeko klikatu HEMEN.

IBAIZABAL: G-20 eta Politika kritikoa

BilboHiria — Mon, 17 Nov 2008 09:00:10 +0000

G-20 deritzon taldeak burutu berri duen bileraren berri ekarri du Iosu Larrinaga lagunak gaurko solasaldira eta halaber, asteburuan Bilbon horren harira egin diren protestaldien kronika.Horrekin batera eta asteburuan baita ere, Bilbon izan diren Zientzia Politikoen jardunaldi Kritikoen berri eman digu.

Elkarrizketa hau deskargatzeko klikatu HEMEN.

BERBAZ:Amagoia, jaki ekologikoak ekoizten eta zuzenean saltzen

BilboHiria — Thu, 13 Nov 2008 18:00:58 +0000

Urte bi luze daramatza Amagoiak (izatez Durangoko kalekumea) lagunarekin Abadiñon lur-saila alokatu eta bertan ekoizten dituztenetatik bizitzeko erronkan.

Laurehun oilok emandako arrautzak, eurek egindako ogia eta solokoak batu eta bezeroari zuzenean saltzen diote. Ekoizpen ekologikoa eta hondakinik eragiten ez duen zikloa itxiz.

Lehenago emakumeak landa-eremuan bizi duen egoera kaxkarraren aurrean eragileek “genero-betaurrekoak jantzita” zer eta nola egiten duten ikertzen ibili zen. Eta aurretik Guatemalan mendira ihesi joandakoen komunitateetan jendearekin hilabeteak eman zituenetik zuen lurra lantzeko grina.

Atsedenik hartu gabe dabiltza baina egiten dutenaren premia eta balioa argi dutela.

Bilbora ere astean behin ekartzen dituzten 10 edo 15 €ko otzarak.

Irakurgai bat: “La fertilidad de la tierra” aldizkaria: www.lafertilidaddelatierra.com/

Saio hau deskargatzeko klikatu HEMEN.