bilbohiria.com - Bilbo Hiria Irratia

SOLASALDIA: Elikagaien krisia

BilboHiria — Mon, 12 May 2008 09:00:28 +0000

Aipatu krisiak 2015era arte iraungo du aditu batzuen ustez, gosea hedatzen den bitartean. Munduan, oinarrizko elikagaien prezioak ikaragarri ari dira hazten, espekulazioa dela kausa. Hego Euskal Herrian, krisiak beste dimentsio bat hartzen du: pasa den ostiralean Bilbon, EHNE sindikatuak manifestazioa burutu zuen Elikaduraren subirotasunaren alde. Baserritarrek Prezio Behatokia eskatu dute berriro, ekoizleei gero eta gutxiago ordaintzen dietelako eta kontsumitzaileok gero eta gehiago ordaintzen dugulako, eta etiketak argiak. Solasaldiaren bigarren zatian, Josu Larrinagak AHTren inguruko azken berriak izan ditu hizpide (Aramaio, Gelditour, Nuria Lopez de Gereñu…).

Solasaldi hau deskargatzeko klikatu HEMEN.

Entzun:

BERBAZ:PATXI de la HOZ; matematikak, esperantoa…

BilboHiria — Thu, 08 May 2008 18:00:33 +0000

Matematika karrera egin ondoren eta duela gutxi “denbora finituan
singulartasunak garatzen dituzten zenbait fluxu geometrikoren zenbakizko
azterketa” izenburuko tesia aurkeztutakoa. Doktore, beraz, eta EHUn
irakasle. Matematikak daukan balioaz mintzatu zaigu, eta baita ere
esperanto hizkuntzaz: ikasteko erreza, gaur egun munduan ibiltzeko
tresna interesgarria, interneten bizi-bizi dabilena. Esperantozaleen
izaeraz eta euren topaketei buruz ere ibili gara BERBAZ Patxi de la Hoz
portugaletetarrarekin.

Saio hau deskargatzeko klikatu HEMEN.

Entzun:

MUSIBLA: Goldfrapp, Rafa Rueda, Ruper Ordorika…

BilboHiria — Wed, 07 May 2008 16:00:41 +0000

Saio honetan, nobedadeen artean, Goldfrapp taldearen azkeneko diskoa entzuteaz gainera, Cat Power-en Juk Box, Lightspeed Champion, Evangelicals eta Samar izeneko euskal proiektu berria ezagutzeko aukera izango duzue.

Saioa deskargatzeko klikatu HEMEN.

Entzu:

ZUTARGI ARTEAN: Angel Ilarramendi eta Alos Quartet

BilboHiria — Wed, 07 May 2008 16:00:22 +0000

Angel Ilarramendi zarauztarraren 7. sinfoniaz gain, Steve Dobrogosz, Terje Bjorklund, Xabier Zeberio eta Pello Ramirezek osatutako Alos Quartet laukotearen “Malenkoniak” lana izango dituzu entzungai saio honetan.

Saio hau deskargatzeko klikatu HEMEN.

Entzun:

IRRATIA.COM #115: txokolate apur bat zineman

BilboHiria — Wed, 07 May 2008 12:00:06 +0000

Zinemara joateko gogoa genuen aspaldion. Lantzean behin filmeren bat aipatzen dugu hemen, baina oraingoan lagun batek film luzea pantailaratu dutenez, beragana jo dugu. Aitzol Aramaiok Unai Elorriagaren SPrako tranbia zinemaratu du. Aitzolegaz, zinemaz, filmeaz, gauza askori buruz aritu gara. Zineman jarraitu dugu FANT jaialdia hastear dagoen honetan. Bilboko beste zinemaldi bat, interesgarria hau ere.
Albisteak 2.0 tarteak toki zabala hartu du gaurkoan, eta musika librearen tartea entzuteko aukera izan dugu, SGAEren azken abenturak irakurtzeagaz bat.

Saio hau deskargatzeko klikatu HEMEN.

Entzun orain:

IBAIZABAL: BERTON aldizkaria

BilboHiria — Tue, 06 May 2008 09:00:11 +0000

Mahatserriko aldizkariaren 109. zenbakian, apirilari dagokion horretan, Jone Artola agertzen zaigu azalean: 7 Kaleetan jaioa eta aspalditik Begoñan bizi den emakume honek “presoen kondenak luzatzea krudelkeriarik handiena dela” esan du. Barruan, ohiko atalekin topatzen gara eta besteak beste honako hauek irakurri ahal ditugu: Gudariak Atxuritik borroka lekuetara (1.937) argazkia, Gabriel Aresti Institutuko talde bat Saharan egon dela, euskara Errepublika Zaharrean 1.820an, Santutxuko AHT Gelditu Elkarlaneko talde berria, Luna Llena Zurbaranbarriko 6 emakumek osatutako antzerki taldea, Egirletan eraiki nahi duten “Zerbitzuen hiria”, Santutxuko maiatzeko bertso saioak, Patxo Telleria eta Aitor Mazok ekainean grabatuko duten pelikula, etorkizuneko garraioari buruzko inkesta… Aipatutakoa eta gehiago kondatu digu Hektor Ortega Bertonen zuzendariak gaurkoan.

Elkarrizketa hau deskargatzeko klikatu HEMEN.

Entzun orain:

PIPERPOLIS: Kukutza gaztetxea 10 urte eta Patxo Telleria

BilboHiria — Mon, 05 May 2008 18:00:04 +0000

10 urte 11 matxinada lelopean Bilboko kukutza gaztetxeak maiatzaren 17an urteurrena ospatzeko jaia antolatu du. Bilbon okupazioa izan dugu hizpide saioan. Hamar urte beteko dituzte errekaldeko lantegian, jai giroan ospatuko dute Euskal Herriko gaztetxe eguna izango dena. Bestetik Patxo Telleria aktoreak azken proiektua aurkeztu digu “La máquina de pintar nubes” filma. Bilbon girotu dute Aitor Mazok eta Patxo Telleriak film luzea, Echevarria fabrikako langileei buruzko fikziozko filma ekaina eta uztailan grabatuko dute Bilboko kaleetan.

Saio hau deskargatzeko klikatu HEMEN.

Entzu:

SOLASALDIA: Gelditour indarrean

BilboHiria — Mon, 05 May 2008 09:00:43 +0000

AHT Gelditu Elkarlanak abian jarri du Gelditour ekimena, hilaren 4tik 31a arte Euskal Herria zeharkatuko duena, Kortesetik Donostiaraino hain zuzen. Antolatzaileek, AHTren inguruko informazioa zabaldu nahi dute horren bitartez, hiritarrok egitasmo erraldoi horrek dituen eraginak ondo ikusteko, arlo ekonomiko eta sozialean, baita ingurumenean ere. AHT eraikitzeko nahitaezko lurren desjabetze prozesua pil pilean dagoela, Iñaki Barcenak tren azkarraren aurkako mugimenduaren kriminalizazio prozesua salatu du: erakunde publiko zein hedabide handien ustez, mugimendu horren atzean “biolento gutxi batzuk” baino ez dira: deigarria da duela egun batzuk ELA eta LAB sindikatuak (AHT Gelditu Elkarlan taldeko partaideak eta Euskal Herriko gehiengo sindikala alegia) EAEko Gizarte Lantaldetik ateratzea aztertzen ari direla, erakunde horrek AHTri buruzko jardunaldiak blokeatu dituelako.

Solasaldia deskargatzeko klikatu HEMEN.

Entzun orain:

BERBAZ: Potxoko antzerki-gizona

BilboHiria — Thu, 01 May 2008 18:00:50 +0000

Irlandan urte luze eman dau amets batek alde egin behar zuela agindu eta biharamonean kalean topatutako lagun batek aholkatuta. Bertan, inongo planik gabe, ohiko duen “lasai, behar doan guztia agertuko dok-eta bidean!” goiburuaz buen-rollitoki dabilela, lagunak, zereginak, aukerak-eta, berez berez agertu jakoz.

Artean, ISHMAEL liburua ere bai (Anthony Quin). Mundua egoera zoro honetara zelan heldu dan azaltzen ei da bertan, eta aurrerako aterabideak iradokitzen. Horretan, Pottokoren arabera, Europako azken “sioux” omen garen euskaldunok badugu zer egin eta esanik.

Ordubete emon dogu Otxarkoagako Potxokogaz, BERBAZ. Tartean, Rafael Amor (El circo) eta Morau (Goiza mundu zoriontsuan) kantari.

Saioa deskargatzeko klikatu HEMEN.

Entzun orain:

OHOZPELAK BALEITU VII

BilboHiria — Wed, 30 Apr 2008 12:43:20 +0000

Hotsa:

Hitza:
“Gauerdiko eztularen itzala edo zelan esaten den gabon izoztutako lurraldeetan.-Gabon? Akabo Fandangoa! Redios.”

“-Oraintxe gogoratu dut,-Zer?
-Ez dakidala zergatik egiten dudan.-Zer?
-Me caguen! Ez zara ezertaz ohartzen ala?