SOLASALDIA: Agroerregaiak (berriro) aztergai

Data: 2008/04/07 in Entzungai (podcast), Solasaldia

Aste honetan Bilbon Agroerregaien inguruko mintegia izango dela kontuan hartuta, bolo bolo dabilen gai hori aztertu du Iñaki Barcenak. Ekologistak Martxan taldeko kide horrentzat zenbat galdera egin behar ditugu gaia argitzeko: AEBek eta EBk 2020 urtean arto.jpgGarraioan agroerregaiak erabiltzeak handitu ala gutxitu egingo du 3. munduarekiko dugun Zor ekologikoa? Zergatik Ipar zein Hegoaldeko ekologistek, baserritarrek, indigenarrek… kritikatzen dute egroerregaien erabilera orokorra? Zenbat egitasmo burutu nahi dituzte Bilboko Portuan? Zer nolako baldintzak bete beharko lituzkete agroerregaiek benetan alternatiboak izateko? edo, Zenbat energia behar dugu “ondo bizitzeko”? Galderak guk egin ditugu, erantzunak, aldiz, Iñakik eman ditu. Solasaldi hau deskargatzeko klikatu HEMEN.

Solasaldia Entzun:[audio:http://www.bilbohiria.com/docs/podcast/solasaldiak/solasi%f1akibarzena080407.mp3]

Entzun orain

 
Continue Reading

SOINUGELA: Adierazpen askatasuna eta “Euskaldunon Egunkaria”

Data: 2008/04/03 in Entzungai (podcast), Soinugela

askatasuna“Gizaki orok du libreki pentsatzeko eta bere iritzia askatasun osoz emateko eskubidea”. Halaxe dio Giza Eskubideen Aldarrikapen Unibertsalaren 19. artikuluak, nahiz eta gero han-hemen eskubide hori behin eta berriro urratua izaten den. Euskaldunok horren berri zuzena izan genuen duela bost urte Espainiako botere judizialak Euskaldunon Egunkaria itxi zuenean. Bost urte igaro dira geroztik, eta auziak bere horretan dirau, nahiz eta ezelango frogarik ez izan. Euskaldunon Egunkariako lagunek hemendik lasterrera izango duten epaiketa bidegabe horren aurka protesta egiteko eta bertan ari ziren hedabide eta kultura arloko profesionalekiko gure elkartasuna agertu nahian, Bilbo Hiria irratiak Soinugela saio berezia prestatu du. Bertan Anje Duhalde, Laura Mintegi eta Anton Reixaren testigantzak jaso ditu, adierazpen askatasuna dela eta. Pedro Elias Igartuak bere aldetik han-hemenka beren pentsakera dela kausa jazarriak izan diren musikarien kantu bilduma aparta tartekatu du testigantzen artean.

Saioa deskargatzeko klikatu HEMEN.

Entzun:[audio:http://www.bilbohiria.com/docs/podcast/soinugela/soinugela080403.mp3]

Entzun orain

 
Continue Reading

SOLASALDIA: G Puntua

Data: 2008/04/02 in Entzungai (podcast), Solasaldia

Sex Ernst Grafenberg alemaniarrak pasa den mendeko 40ko hamarkadan “aurkitutako” puntu ospetsu hori izan du mintzagai Igor Erauzkin Biko arloko sexologoak. Duela aste gutxi beste ikerketa bat agertu da Italian: zer dago horren atzean, zer da G. puntua, horren bila ibili izanak zer suposatu du emakume askorentzat? Galdera hauei eta beste batzuei eman die erantzuna Igorrek, klitorisaren garrantzia ahaztu gabe. Solasaldi hau deskargatu nahi baduzu klikatu HEMEN.

Entzun: [audio:http://www.bilbohiria.com/docs/podcast/solasaldiak/igorerrazkin080402.mp3]

Entzun orain

 
Continue Reading

SOLASALDIA: Esnearen prezioa

Data: 2008/04/01 in Entzungai (podcast), Solasaldia

Esnea  Pasa den astean mila bat abeltzainek manifestazioa burutu zuten Madrilen, COAG sindikatuak deituta. Besteak beste, hantxe izan ziren EHNEko kideak, eta EHNEko Alberto Llonak kontatu digunez, protesta espainiar estatuko Industriak esnearen prezioa jaitsiarazi duelako izan zen, litroko 6 zentimo hain zuzen. Jaitsiera horren atzean marka handiak eta ezagunak direla salatzeaz gain, Albertoren ustez nekazariek irabatzen dutenak ez dauka zerikusirik kontsumitzaileok ordaintzen dugunarekin. Horretarako, Prezioen Behatokia sortzea proposatu du, baina ez du uste egun Eusko Jaurlaritzak interesik duenik gauzatzeko. Bestetik, kalitatearen bermea (produktua baserritik ateratzen denean bermatuta dagoena) industrian sartzen denean galtzen dela adierazi du EHNEko kideak. Solasaldi hau deskargatzeko, klikatu HEMEN.

Entzun: [audio:http://www.bilbohiria.com/docs/podcast/solasaldiak/albertollona080401.mp3]

Entzun orain

 
Continue Reading

Berrienak @bilbohiria Twitter

Bilbo Hiria @Facebook