Pasa den astean Greenpeacek Espainiar estatuko Autonomien kutsadura puntuei buruzko txostena atera zuen. Kutsadura iturri edo puntu arriskutsu gehien dituen erkidegoa EAE da: 26 puntu arriskutsu agertzen dira horretan, horietariko 10 Bizkaian, Iñaki Barcenak kontatu digunaren arabera. Errauste plantak, paper eta porlan fabrikak eta metalgintzari dagozkion batzuk dira kutsakorrenak eta txostenak kutsadura iturrien kopurua eta herrialdeetako minbizia kasuen portzentajea lotzen ditu. Gainera, leku horiek eta beste zenbait garbitzeko, EAEn erabilitako diruaren %100 publikoa da, frantziar estatuan %8 izanik. Kutsaduraren Kontrolerako Agentzia bat sortzea eta Hiri ondakinen kudeaketa aldatzea proposatzen dituzte ekologistek egoera bideratzeko. Solasaldi hau deskargatzeko, klikatu HEMEN.

Entzun: [audio:http://www.bilbohiria.com/docs/podcast/solasaldiak/inakibarzena080218.mp3]

Entzun orain

  Hautsak harrotu dituzte zenbait harrobik (edo egitasmok) azken bolada honetan Hego Euskal Herrian. Josu Larrinagak gaurkoan azaldu duenez, Erdizen (Baztanen) populazioak orain bezala bizitzea multinazional baten promesak baino nahiago izan du. Are gehiago, paraje naturalak ondo zainduta, zentzuzko turismoa bultza dezakete Nafarroako leku horretan. Gipuzkoan, aldiz, ospea hartu du Praileaitzen kasuak: talde politiko guztiek (EAJ izan ezik) eta hainbat historiagile, zientzilari, idazle etabarrek kobazulo horren ingurua babesteko eskatu dute, baina alferrik momentuz. Gure Bilbo Handian ere zenbait harrobi edo egitasmo ditugu, Alonsotegin, Errekaortun, Arrigorriagan edo Bilbon bertan (Gangoiti mendian). Larrinagaren ustez, egoera bideratzeko lehenik eta behin ea hainbat harri eta porlan beharrezkoak diren galdetu beharko genuke. Solasaldi hau deskargatu nahi baduzu, klikatu HEMEN.

Entzun: [audio:http://www.bilbohiria.com/docs/podcast/solasaldiak/josularrinaga080211.mp3]

Entzun orain