SOINUGELA: Mavis Staples, gospelaren izar distiratsua
eka 28, 2007 Entzungai (podcast), Soinugela
Saioaren bigarren orduan monografiko bikaina eskaini digu aste honetan Pedro Elias Igartuak Mavis Staples gospel kantariaren bigrafiaz eta diskografiaz. Duela bi aste hasitako lana biribiltzeko balio izan du saio honek. Horretara baino lehen, ordea, irratsaioaren lehenbiziko orduan, beste jenero batzuetan diharduten kantariak izan ditugu protagonista. Honako hauek, hain zuzen ere: B¨jörk islandiarrak bere seigarren diskoa ekarri digu, Volta izenekoa: Minnie Ripertonek, José Felicianoren laguntzarekin, Light My Fire ezaguna abestu digu; ondoren, seguruenik Chavela Vargasen azken lana izango den Cupaima diskoa ezagutu dugu, hau da, Chavelaren betiko errepertorioko kantuak, baina indioen musika tresnekin joak; gero, Chabuca Granda peruarraren txanda heldu da, artxibo batean aurkitutako 1968ko grabazio zahar batzuen bidez; eta, azkenean, Dulce Pontes portugaldarraren ahots berdingabea entzuteko eta bere azken diskoa, El corazón tiene tres puertas, ezagutzeko parada izan dugu. Horra hor bi orduko bidaia musikal honen laburpena. Saioa deskargatzeko, klikatu HEMEN.
Entzun:
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
SOLASALDIA: AHTren lurren desjabetzea
eka 28, 2007 Entzungai (podcast), Solasaldia
Pasa den astean, Legutioko alkateak uko egin zion lur batzuk desjabetzeko baimena emateari. Arazoa errepikatu egingo da, kontuan hartuta azken hauteskundeetan AHTren ibilbidean diren 22 udalerritan tren horren aurkako jarrera nabarmena dela. Gai horrekin batera, beste bi jorrati ditu gaurkoan Iñaki Barzenak: Bilbon pasa den astean izandako Lemoizen inguruko Jardunaldiak alde batetik, eta Hegoaldeko sahiesbideko lanen hasiera bestetik. Solasaldi hau deskargatu nahi baduzu, egizu klik HEMEN.
Entzun:
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
MUSIBLA: Babyshambles, Hard-Fi, Sagarroi, Stupenda Jones…
eka 27, 2007 Entzungai (podcast), Musibla
Saio honetan soinu azkar eta biziak ekarriko ditugu, Ingalaterrako post-punk olatu horretan koka ditzakegun zenbait talderen eskutik (Babyshambles, Hard-Fi, Maximo Park, Bloc Party…) Euskal Herritik ere soinu baikor eta tentsuak (Sagarroi, Stupenda Jones, Los Bitxos…) On egin! DESKARGATU.
Entzun:
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
IRRATIA.COM #89: Bilbo live eta Euskal Herria Zuzenean
eka 26, 2007 Entzungai (podcast), Irratia.com
Saioa deskargatzeko HEMEN. Uda badatorrela eta, kontzertu erraldoiak Euskal Herrian ere. Aste honetan bertan Bilbo musikaren hiriburu bilakatuko da. Bilbolive jaialdiko antolatzaile Ibai Villapun izan da gure artean. Irratsaioaren bigarren zatian berriz Xiberoara jo dugu, ekainaren 29, 30 eta uztailaren 1ean Idauze Mendin Euskal Herria Zuzenean festibala ospatuko delako. Han izanen gara gu ere.
Entzun:
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
SOLASALDIA: Lengües Vives
eka 26, 2007 Entzungai (podcast), Solasaldia
Gauza mamitsu eta jakingarriak kontatu dizkigu Iñaki Peña lagunak Lengües Vives deritzan egitasmo ederraz. Duela zenbait urte Katalunian sorturiko egitasmo eder honen bidez, gaur egun agerkari edo boletin bat argitaratzen dute gure inguruko zazpi hizkuntzatan. Honako hauetan, hain zuzen ere: portugesez (galiziera barne dela), asturiera, aragoiera, katalana, okzitaniera eta euskara. zazpigarren hizkuntza laster dator: sardiniera. Albiste laburren bitartez, hizkuntza komunitate bakoitzean hizkuntza eta kulturaren aldetik nabarmentzen diren erabaki, ekimen eta gorabeheren berri ematen dute aldian-aldian. Esan beharra dago badirela hamar urte Llengües Vives egitasmoa abian jarri zela eta urtetik urtera proiektua gero eta sendoago dagoela. Gainera, berrikitan disko bat ere eman dute argitara hizkuntza hauetan gaur egun egiten den musika ezagutzera emateko asmoz. Grabazio honetan, Iñaki Peñarekin hitzekin tartekaturik, horietako zenbait kanta entzun daitezke. Solasaldi hau deskargatu nahi baduzu, klikatu HEMEN.
Entzun:
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
PIPERPOLIS: Kukai dantza taldea eta Logela multimediaren elkarlana; Taupadak eta Lekuz Leku jaialdia
eka 25, 2007 Entzungai (podcast), Piperpolis
Taupadak ikuskizuna estreinatu dute Kukai Dantza taldeak (irudian) eta Logela multimediak, Valladolideko antzerki jaialdian estrenaitu ondoren laster Euskal Herrian ikusi ahal izango dugu pieza hau. Jon Maia dantzari eta koreografoak zuzentzen du Taupadak eta gaur piperpolisen egon da.
Asteburu honetan Bilbon Lekuz leku nazioarteko Dantza jaialdia ospatu behar da. Lekuz leku jaialdia Dantzatzen duten Hirien sarean sartuta dagoen jaialdia da eta hiru egunez Guggenheim Museoaren eta Euskalduna Jauregiaren arteko ibilbide artistikoa planteatzen du. Dantza egitarau zabala Marian Etxebarriak aurkeztu digu.
Betiko atala, John Trollope, gomendioak…saioa deskargatu HEMEN!.
Entzun:
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
ERREPORTAIA: Maputxe herria
eka 25, 2007 Entzungai (podcast), Erreportaiak
Maputxea Hegoameriketan bizi den herri amerindiarra da. XVI. mendean espainarren kontra borrokatu behar izan zuten; XVIII.ean txiletarren aurka eta geroxeago argentinarrak izan zituzten etsai. Egun bi herrialde horietan zeharo sakabanaturik bizi dira, eta egungo egoerari buruz gehiago jakiteko asmotan Alvaro Hilario kazetaria elkarrizketatu dugu, duela gutxi maputxeekin berriro egoteko aukera izan duelako. Erreportajea deskargatu nahi baduzu, klika ezazu HEMEN.
Entzun:
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
ZUTARGI ARTEAN: “Deustuarrak” 50 urte
eka 22, 2007 Entzungai (podcast), Zutargi Artean
50 urte bete dira Deustuarrak Abesbatza sortu zenetik. Gaur egun ere hortxe jarraitzen dute astero astero Deustu inguruan kantatzen. Urteurrena ospatze aldera disko bat grabatu dute aurtengo neguan eta horixe izango da, hain zuzen, saio honetan eskeintzen dizueguna. Saioa deskargatu HEMEN.
Entzun:
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
SOTOTIK: Mixel Etxekopar & Xavier Garcia, Joseba Irazoki, Marc Behrens…
eka 21, 2007 Entzungai (podcast), Sototik
Azken saioa izan da gaurkoa. “Ikasturteko” edo denboraldiko azkena. Entzun beharko genitukeen zein ez ditugun entzun pentsatzera jarri gara orduan, eta lau aukeratu ditugu, horietatik 3 euskaldunak. Hala ere, jendea geratu zaigu kanpoan: Edorta Izarzugaza, Oier Etxeberria, Bazterrak…lan interesgarriak egiten ari diren bertako jendea, euren lanik entzun gabe geratu zaizkigunak. Hurrengo denboraldian izango dugu astia hauek eta beste asko entzuteko. Beraz, besterik ez: Entzun izan gaituzuenoi eskerrik asko, eta hurrenarte. Uda ona pasa!. Saioa deskargatu HEMEN.
Entzun:
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
SOLASALDIA: 25 urte Lemoizen itxieratik
eka 18, 2007 Entzungai (podcast), Solasaldia
“25 urte Lemoizen itxieratik, 25 urte nuklearrik gabe” lelopean, egunotan Bilbon egiten ari diren Jardunaldien berri ekarri digu Iñaki Barzenak. 25 urte daramatzagu nuklearrik gabe baina gaurko egoerak zenbait galdera mahaigaineratzen ditu. Horiei erantzuteko, hain zuzen, Ekologista Martxan taldeak Jardunaldiak antolatu ditu, hilaren 18an, 19an eta 20an burutzeko Bilboko Ekoetxean. Solasaldi deskargatzeko, klikatu HEMEN.
Entzun:
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
