Saioa deskargatzeko HEMEN.
Talka tour 07 hasi ostean, eta Mexiko, Venezuela eta Kubara joan aurretik, gurean izan da Fermin Muguruza. Astelehenean abiatuta, bidaitxartela eskuan duela gure mikrofonoetan izan da bidai musikalaren berri emanez. Tokian tokiko egoeraren lekuko izango da Muguruza, eta itzultzerakoan berriz ere gurekin elkartzekotan da.
Kubara jo dugu guk ere, cubainformacion.tv proiektu berria ezagutu dugu Helena Bengoetxearen eskutik. Telebista, irratia, aldizkaria eta informazioa biltzen dituen blokeo mediatikoaren kontrako ekimena da.
Azkenik, asteon ospatuko den Informatikari Euskaldunen Bilkura 07 (ieb07) izan dugu hizpide, horretarako Gorka Julio Teketen gurera gonbidatuz. Mikroformatuak ere hizpide hartu ditugu, bidenabar.
Entzun: [audio:http://bilbohiria.com/docs/podcast/irratiacom/irratiacom070508.mp3.mp3]
Entzun orain
“Kaxa huts bat” izena dauka Beñat Sarasola Donostiarraren lehen poema liburuak, Susak argitaratua. Gurean izan da liburua aurkezten.
Gaurkoan, Iñaki Barcenak Gara egunkarian duela hamar bat egun agertutako erreportai luzea izan du aztergai: Euskal Herri osoan, gutxienez 100 toki arriskutsuak dira gure osasunerako. Gogoratu duela aste pare bat Eperre Zerrenda (Europako Batasunak egindakoa) komentatu genuela. Horrezaz gain, Bizkaian eta batez ere Nafarroan hainbeste enpresa eta jarduerak asko kutsatzen dute. Aldaketa klimatikoaren inguruko Kongresu asko egiten ari direnean, noiz hasiko dira esandakoa praktikan jartzen?. Solasaldi hau deskargatu nahi baduzu, klikatu 
Saio berezia izan da gaurkoa, datorren asteazkenean(hilak 9) 
Maiatzak 9 Asteazkena, 21:00. Kafe Antzokia(Bilbo): ANTOINE CHESSEX, OVO, URA, JOSETXO GRIETA
Alison Kraussen ahots zoragarriak eman dio hasiera aste honetako Soinugela irratsaioari. Disko berria plazaratu du berrikitan amerikarrak, A Hundred Miles Or More izenekoa. Diskoaren nolakoa ezagutzen hasteko, hiru kanta entzun ditugu bertatik. Bluegrass eta country kantariaren ondotik, Kelly Joe Phelps gitarrajolearen musikaz gozatzeko parada izan dugu. Karibe aldera jo dugu geroago, Suga Roy eta Conrad Crystal bikotearen reggaea entzuteko. Highest Grade deritzan lana atera dute eta diskoa horretan badaukate Johnny Too Bad kantu ezagunaren bertsio bat, saioan entzun duguna, hain zuzen. Euskal musikan azken aspaldion kaleratu diren nobedadeen artetik, Etxeren Zenbat bide? eta The Uskis taldearen Barikun lanak aurkeztu dizkigu Pedro Elias Igartuak. Disko bitxi bat heldu zaigu gero: 2000. urtean EITBk zenbait euskal kantarik kanpoko musikaren gainean egindako bertsioak plazaratyu zuena. Bertatik, bi emaitza entzun ditugu: aurrena, Niko Etxartek Rolling Stonesen musikarekin eginiko bertsioa eta hurrena, Anje Duhaldek Dylan Blowing In The Wind ezaguna nola ematen duen ikusi dugu. Gainerako denbora Ry Cooderren My Name Is Buddy disko berria aurkezteko baliatu du Pedrok. Alegi erako disko konteptual honetan AEBetako oraingo gizartearen kritika zorotza egiten du Ry Cooderrek, katu baten, sagu baten eta apo baten laguntzaz. Soinugelako kide guztiok disko bikaina iritzi diogu. Saioa deskargatzeko, klikatu 