Saio polita eta bariatua eskaini digu Pedro Elias Igartuak aste honetan. Lehenbizi, Kanadako Arcade Fire taldearen Neon Bible (Neonezko Biblia) diskoa gogoratzen hasi gara. Oroimenarekin segituz, jarraian iaz zendu zen Nikky Sudden musikari ingelesa gogoratu dugu, berriketan hil ondoko diskoa agertu baita, The Truth Doesn´t Matter (Egiak ez du axolarik), hain zuzen ere. Horren ostean, […]

Gaurko saioan, besteak beste, Gose ekarriko dugu EUTSI! filmaren abestia nagusiarekin, Karidadeko Benta, beren azken diskoa (San Quirico) aurkezten ari direlako, Sagarroi, hauek ere disko berria dakarkigutelako (Baleike). Atzerritik, izen ezagunak, Eels, Richmond Fontaine, Tom Waits eta hain ezaguna ez den Arthur H. Nahi gabean ekialdeko aireak dituen saioa atera zaigu […]

Iparraldeko Euskal Irratiek ekoiztutako irratsio horretan, Patxi Gallego (argazkian) komikigilearekin egindako elkarrizketa eskaintzen zaigu. Patxi Gallegok bi liburu kaleratu ditu arrakasta handiarekin. Iñaki Etxeleku berarekin izan da Donostian bazkaltzen. Saioa deskargatu HEMEN.
Entzun:

Saioa deskargatzeko HEMEN: Irak inbaditzen hasi zirela lau urte dira. Gaur bezalako egun baten. 2003ko martxoan. Hilabete lehenago Egunkaria itxi ziguten, eta itsasoa beltzez jantzi zuten, agintari berdinek. Orduko errepasoa egin dugu, garaiko testuak eta iragarpenak gurera ekarrita. Gogoeta eginez. Irak, nazioarteko egoera, Internet eta G8 gailurra gero. Denak izan ditugu […]

    Mahaster River hainbat taldetan  aritutako musikariek osatutako Bergarako hirukote gaztea da. Gitarra elektrikoa, hamabi soketakoa eta baxua erabiliz bluesa, countrya eta flamenkoaren mundutik bidaiatzen dute. Gai propioak eta bertsioak, abestuak eta instrumentalak. Horixe da talde honek duen berezitasun nabarmenetakoa, hirurek osatzen dute soka hirukote hau. Irtenbiderik gabeko autobideak lehen lana Unai Azkaraterekin batera ezagutu […]

Gaurkoan, Iñaki Barcenak duela gutxi Eusko Jaurlaritzak onartutako Itsasertza Babesteko Plana izan du aztergai. Plan horrek itsasertzaren barne mugatik 500 metroko gunean babes handiagoa bermatu nahi du. Bien bitartean, horrek ez die aterik itxiko Pasaiko kanpo portua egiteko lanei. Bizkaiko kostaldean, bestalde, 28.000 etxebizitza eraiki nahi dituzte…. Solasaldi honen bigarren zatian Bilboko Zabalgarbi Errauskailuaren egoeraz […]

Zaila da aizue, saioa egin ondorengo web orrirako testua idazterakoan, jarritako musikari guztien zerrendatzea egitea, bakoitzaren ezaugarriren bat edo beste jarriaz. Komak eta puntu eta komak eta puntuak nola antolatu…horregatik, gaurkoan ez naiz konplikatuko eta gidoiak erabiliko ditut:
- Cafe teatro: Lana (Zarauztarren musika goxoa eta definitu ezina)
- Pablo Reche: Paisajes 2 (Musikari argentinar aski ezagunaren […]

    Saio honetan hurrenez hurren ostegun eta ostiral honetan Kafe Antzokian egongo diren musikariak ekarri ditugu. Ostegunean Une eta Kauta taldeek euren azken lanak aurkeztuko dizkigute eta ostiralean Ruper Ordorika (argazkian) Memoriaren Mapan diskoaren emanaldi intimoa. Markos Untzeta ere gurean izango da bere azken diskoarekin (Zenbat Euri). Horietaz aparte, Regina Spektor, Aberfeldy eta Sufjan Stevens. […]

    Azken aste hauetan Bilbo Hirian antzemandako Ipar Euskal Herriko Euskal Irratien presentziari jarraituz, gaurkoan Euskal Herriko beste txoko bat ezagutzeko aukera eskaintzen digute. Gaurkoan, Baxenafarroako Amikuze eskualdeko Gabadi herrian zehar ibili dira Luzien Etxezaharreta eta Jakes Casabon. Saioa deskargatu HEMEN.
Entzun:

Saioa DESKARGATU. Josu Juaristi izan da euskal komunikabideetako zuzendarien artean bloga irekitzen lehenengoa. GARA egunkaria berritu eta euskarazko GAUR8 astekaria ere sortu dute, sarea eta papera uztartu asmo dituena. Kazetaritzaz eta Interneti buruz elkarrizketa mamitsua izan dugu. Albisteak 2.0 Teknologia berriak, Internet, musika, literatura… zer ez dugun aipatu gure gaurko emankizun […]