SOTOTIK: Reynols, Daniel Menche, Johannes B…
mar 29, 2007 Entzungai (podcast), Sototik
Gaurko saio hau eta gero inork esaten ez badu ostegunean ordubetez irratia hondatu zela eta frekuentzia oso arraroak entzun zirela, inork entzuten ez gaituela pentsatzen hasiko gara(Serio). Gaurko musika aukeraketari dagokionez, Radian taldekoekin hasi gara, aurreiritzirik batere gabeko musika pertsonala egiten duen talde Vienarra, bateria, baju eta elementu elektronikoekin. Daniel Menche entzun dugu gero, ezagutzen erraza den soinu baten jabe den musikari estatubatuarra, gure iritzira beti tentsioaren bila dabilena eta instrumentu etnikoen tinbreetarako joera duena. Reynols gero(argazkian), erreferente bihurtu den talde argentinarra, zeinean Alan Courtis den kide nabarmengarrienetako bat. Euren “1000 chickens symphony”(euskaraz, 1000 oiloen sinfonia) entzun dugu, oilategi zoro batera garamatzana ezinbestean. Evol-ekin jarraitu dugu gero: Kaotikotasuna, originaltasuna, freskotasuna eta umorea ekarri dizkigu Bartzelonakoak, “Magia potagia” azken diskotik hartutako “Walpurgis” piezarekin. Amaitzeko, Johannes B Baionarraren pieza bat entzun dugu, eta bere gitarraren goxotasunaz agurtu horrela saioa. Deskargatzeko, egin klik HEMEN.
Entzun:
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
SOINUGELA: Emakume kantariak, erlijio gaiak eta Doc Watson
mar 29, 2007 Entzungai (podcast), Soinugela
Bitxia bezain entzungarria oraingo honetan Pedro Elias Igartuak paratu digun irratsaioa. Hasierako atalean, emakume kantariak izan dira protagonista: Norah Jones bere hirugarren diskoarekin (Not Too Late), Ricky Lee Jones zenbait sermoiren gainean plazaratu duen disko bitxiarekin, María Salgado espainiarra, zortzi urtez isilik egon ostean, Abrecaminos deritzan diskoa autoekitzi duena, Haris Alexiou, Greziako ahots ezion ederragoa, Guinda y Naranja Amarga disko bikaina ekarri diguna; eta Greziatik erabat irten gabe, Savina Yannatou Sardiniako Elena Ledda kantariarekin entzun dugu. Geroago, Stephen Simmons amerikar kantautoreak erlijioaz atera duen diskoa entzuten jardun dugu. Bestalde, Pedroren iritzian, aurtengo disko onenen artean sartu beharko genukeen lan bat ezagutzen hasi gara: Tinariwen tuareg taldearena. Saioaren azken 25 minutuetan countrya sortu baino lehenagoko musika egiten duen Doc Watson musikari itsuaren ibilbidea ezaguitzen ibili gara. Saioa deskargatu HEMEN.
Entzun:
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
MUSIBLA: Etxe, Joseba Tapia, Anari, Damien Jurado, Sparklehorse
mar 28, 2007 Entzungai (podcast), Musibla
Etxeren disko berriarekin irekiko dugu gaurko saioa (Bidea eginez), segidan Joseba Tapia (Real Politik) Anari (Zebra) eta Markos Untzeta (Zenbat Euri) diskoetatik pieza bana entzuteko aukera izango dugu. Atzerritik, Damien Jurado, Sparklehorse, Natxo Vegas, Beck, Marlango eta Joanna Newson egongo dira gurekin. Bakarlariz jositako saioa gaurkoa! Deskargatzeko, klik HEMEN.
Entzun:
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
GURE BAZTERRAK
mar 27, 2007 Entzungai (podcast), Gure Bazterrak
Iparraldeko Euskal Irratiek ekoiztutako irratsaio honek Baxenafarroako Gabadin herriaren ezagutza egiten jarraitzen du. Hirugarren kapitulua da beraz Amikuzeko herri honen eta bertako herritarren ezagutza egiteko, Luzien Etxezaharreta eta Jakez Casabonek burututako irratsaio honen bitartez. Saioa deskargatu HEMEN.
Entzun:
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
IRRATIA.COM #78: Euskaltegien mundua Karrajuan
mar 27, 2007 Entzungai (podcast), Irratia.com
Saioa deskargatu HEMEN: Aspaldi jarraitzen genuen Karrajua bloga. Baina Korrikaren giro honetan, euskaltegitik atera dugu Benito Fiz sortzailea. Andoni Tolosa ere gurekin izan da. Korrika, euskaltegiak, web 2.0 eta euskararen irakaskuntza… zer ez dugun hizpide izan. Saio berezia izan da, une berezi batean. Korrika Euskal Herri osotik ari den bitartean, Interneten mundu osoan dabil mezu bera.
Entzun:
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
PIPERPOLIS: Etxeren lan berria, Xabier Monasterio eta Oñarriak taldearen musika
mar 26, 2007 Entzungai (podcast), Piperpolis
Xabier Monasteriorekin batera Gabriel Arestiz mintzatu gara, izan ere, “Ipuinak” deituriko liburuan idazle Bilbotarraren ipuin antologia plazaratu berri du. Sei ipuinen moldaketa egin du Xabierrek gaur egungo euskaran.
Berrizetik Etxe musikaria etorri da, bere bigarren lana aurkezteko. “Bidea eginez” izenburuko lana kaleratu du Oihuka zigiluarekin. Hamabi kanta batu ditu popa eta rocka uztartzen dituen estreinako disko luze honetan.
Disko oroigarri bat izan dugu entzungai eta mintzagai piperpolisgo azken tartean. Oñarriak taldea Santutxun 1968an sortutako plaza taldea izan zen. Horren jarraipena 1977an “Haur Kantuak” diskoak izan zen.1970 urtean diskoa grabatzeko aukera izan zuten, Oiñarriak lau kantutako mini LP-a plazaratu zuen. Gogora ekarri ditugu disko horretako kantuak gaurkoan. Saioa deskargatu nahi baduzu, klikatu HEMEN.
Entzun:
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
SOLASALDIA: Denboralearen eraginak
mar 26, 2007 Entzungai (podcast), Solasaldia
Gaurkoan, Josu Larrinagak pasa den denboralearen eraginak izan ditu aztergai: betiko moduan, errepide asko eta autobideak itxita egon dira, horrek lantokietan eta ikastetxeetan izan dituen eraginekin; bestetik, Iberdrolaren 4.500 bezero argindarrik gabe izan dira. Halaber, denboralearen ondorioz uholdeak izan dira Nafarroan eta Araban, eta orain, derrigorrez, urtegi handiek uhateak zabaldu behar dituzte. Aipatu guztiak gure modelo horiek ahulak direla erakusten du. Solasaldia DESKARGATU.
Entzun:
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
ZUTARGI ARTEAN: Aita Madina II
mar 23, 2007 Entzungai (podcast), Zutargi Artean
Francisco Madinari bere jaiotzaren 100 urteurrena den honetan eskeini diogun bigarren saioa entzuteko aukera izango duzue.
Bertan bere lau lan izango dituzue entzungai: “Euskal Rapsodia”; “Arpa eta harizko orkestrarako Euskal Kontzertinoa “; “Euskal haurren obertura” eta azkenik “Dantza”.
Guzti hau Euskadiko Orkestraren eskutik. Saioa deskargatu HEMEN.
Entzun:
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
ERREPORTAJEA: Sopelako Esaera Zaharren XIV. Lehiaketa
mar 23, 2007 Entzungai (podcast), Erreportaiak, Gaurko gaia
Bertako Nikola Euskaltegiak antolatuta martxoaren 17an burutu zuten ekitaldi berezi hori Bizkaiko Uribe Kostan, Sopelan hain zuzen. Partehartzea eta giroa inoiz baino handiagoa lortu dute aurtengo edizioan eta, urtero bezala, giro ezin hobea sortu zen egun osoan. Ondo pasatzeaz gain, euskarazko esaera zaharrak berreskuratu, ikasi eta eguneroko jardunean erabiltzea helburu duen lehiaketa honek XIV. edizioa zuen aurtengoa.
Bi zatitan banatzen da lehiaketa, bietan bertsolarien ezinbesteko laguntzarekin. Goizeko kanporaketan hainbat taldek bilduta osatzen dute tabernarik taberna ibiliko den talde handiago bat. Talde horietako bakoitzak ibilbide jakina egin behar du herriko taberna zehatz batzuetatik. Taberna bakoitzean bertsolariak bertso jarria bota eta, txandaka, taldeek asmatu behar dute aldez aurretik ikasitako 100 esaerako zerrendatik zein esaerari egiten dion aipamena bertsoak. Goizeko errondan finalista geratu diren taldeak arratsaldeko finalera pasako dira. Bazkalostean, Xabi Paya eta Oihana Bartra bertsolarien bat-bateko bertsoekin egin zen finala. Gure lankide Mieltxo Monfortek osatutako erreportajea eskuratzeko klikatu HEMEN.
Entzun:
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
SOTOTIK: Eric La Casa, Diamanda Galas, Atanas akerstra…
mar 22, 2007 Entzungai (podcast), Sototik
Atanas akerstrarekin hasi gara, rockaren sustraietara jotzen duen azkoitiarra bera, eta Akauzazte talde ezaguneko gitarra. Atzerrian bertan baino ezagunagoa den baxe nafartar batekin jarraitu dugu gero: Beñat Axiary, beste bi lagunekin inprobisazioan: Doneda(Saxofoia) eta Sawal(Kotos-a, instrumento tradizional japoniarra). Ahotsa(batez ere) lantzen duen Diamanda Galas etorri da gero, “Panoptikon” piezarekin(Maiatzaren 4an Gasteizen zuzenean ikusteko parada izango dugu), eta Eric La Casa musikari konkretu frantziarra(argazkian, itsasoa grabatzen). Amaitzeko Zura entzun dugu, Dut-eko kide ohi Xabi Strubell-en talde berria. Deskargatzeko, egin klik HEMEN.
Entzun:
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
