28 urte dira jadanik Amadou Bagayoko eta Mariam Doumbia elkartu eta musika egiten hasi zirela bikote moduan. Mariam, ezkontzetan eta jai tradizionaletan kantatuz hazi da, eta Amadouk berri, gaztetandik zorroztu ditu bere hortzak Les Ambassadeurs taldeko gitarrajole moduan, Afrika mendebaldeko banda legendazko eta beroenetako batean. Beraien azken diskak, ‘Dimanche à Bamako’ izenekoak, munduan zehar zabaldu den oiartzuna eman die, Manu Chaoren ekoizpenak lagundutako arrakasta. Dena den, bikotearen indarra berezkoa dela frogatzen du bere aurreko diskekin osatutako bildumak. Hau izango da programaren ardatza, ‘Sou Ni Tilé’, ‘Ge ni Mousso’ eta ‘Wati’ disken bilduma osatzen duen ‘Amadou & Mariam best of’. Saioa deskargatu HEMEN.
Entzun: [audio:http://www.bilbohiria.com/docs/podcast/baskistan/baskistan070205.mp3]
Entzun orain
Aupa lagun! Erreala eta Osasuna hain txarto ere ez lortutako berdinketekin, hori komentatu du J.A. Torre- Altonaga “Medius”-ek; Arratiako koroaren Santageda Kantuak ez ei zion onurarik ekarri Atletic-i eta etxean irabazi ezinik jarraitzen du: Izaskun Larrabeitiren esanetan “kanpoan jokatu behar partidoak, puntuak eskuratzeko…”. Beno, kontu gehiago ere bai gure artean hara nola asteburuko binakako pilota txapelketaren gora beherak etab… Ziur ez zarela aspertuko. Gero arte!!. Saioa 
Gaurkoan, Iñaki Barzenak IPCC edo Klima Aldaketari buruzko Gobernu arteko Taldeak aste honetan Parisen jakinarazitako txostena izan du aztergai. Berotze eragina eta horren ondorioz etor daitezkeen arazo larri guztiak ez dira dagoeneko “Ekologisten kontuak”. Orain, egoera ikusita, benetazko irtenbideak martxan jartzea behar-beharrezkoa da. Solasaldi hau deskargatu nahi baduzu, klikatu 
Gaurko saioan Beethoven-en meza bat entzuteko aukera izango dugu. Do Majorrean idatzitakoa, Op.86. Bertsio hau Leioako Kontserbatorioko Orkestrak- Margarita Lorenzo de Reizabalen zuzendaritzapean -eta bi abesbatzek eskeiniko digute: Leioako San Juan Bautista eta Alaitz abesbatzak, hain zuzen. Azken bi hauek Basilio Astúlezen gidaritzapean. Saioa deskargatu 