The Who taldearen musikarekin ekin dio Pedro Elias Igartuak aste honetako Soinugela irratsaioari. Zenbait kanta entzun ditugu talde honek Endless Wire (Bukaerarik gabeko burdinaria) izenpean berrikitan atera duen diskotik. Rocketik reggaera pasatu gara, Ingalaterratik Karibeko uharteko musika egiten duen Jazz Jamaica taldearen Motorcity Roots (Motor Hiriko –Detroiteko– sustraiak) diskoaz gozatzera. Euskal musikaren barnean bi nobedaderen aurkezpena izan dugu: Betagarriren Hamaika gara eta Ruper Ordorikaren Memoriaren mapan. Leonard Cohen handiaren musika ere izan dugu Soinugelan, I´m your man deritzan filmaziorako zenbait musikarik haren errepertoriotik eginiko bertsioak entzunez. Geroztik, hil berria den Robert Lockwood gogoratu dugu, 1915ean jaiotako bluesman ikaragarri handia. Saioaren azken berrogei minutuak Britainia Handiko folk eszena eraberritu zuen Nic Jones gitarrajole apartaren ibilbide musikala jorratzeko erabili ditu Pedro Elias Igartuak. Saioa deskargatu nahi baduzu, klikatu HEMEN.
Entzun: [audio:http://www.bilbohiria.com/docs/podcast/soinugela/soinugela061130.mp3]
Entzun orain
Gaurko saioa irekitzeko Mugaldekoak proiektua hautatu dugu, Edu Zelaietak eta Beñardo Goietxek 2004tik aurrera aurkezten egon diren ikuskizunaren testigantza biltzen duen diskoarekin. Goseren sinkretismo musikala ere bertan izango da entzungai, Atom Rhumba eta Pinbol taldeen emozioak, Will Johnson musikari hiperaktiboaren bi emaitza, bere bakarkako lana eta South San Gabriel proiektuarekin. Halaber, Of Montreal taldearen soinu lisergikoak ere gurean izango dira. Saioa deskargatzeko, klikatu 
Saioa deskargatzeko 
Hilabete honetan argia ikusi du Sagarroiren laugarren lan luzeak: “Baleike”. Kataluiniako Kasba Music etxeak emanen du argitara. Iñigo Muguruzak gidatutako taldearen soinuak orain arteko ezaugarriak gordeko ditu: cumbia-ska, reggae-rumba, ska, rock… non letrek, beti bezala, garrantzi handia izango duten.Gainera, disko honetarako, Iñigo Muguruza, Asier Ituarte, Carlos Zubikoa eta Gorka Baskaran taldekideei Miren Gaztañagaren (ahotsa) gehitu zaie.Hamar abesti berri malenkoniatik poztasunera doazenak, betiko moldez. Piperpolisen disko berria ezagutuko dugu taldekide berriarekin Miren Gaztañagarekin.
Natividad “Nati” Cano mariachi musika jotzen hazi zen. Bere aita eta osaba musikariak ziren Guadalajaran eta zortzi urte zituenerako bazebilen beraiekin profesionalki. 1959an, hainbat taldetan ibili ondoren, Los Angelesera joan zen. 1961ean Million Dollar antzokiko mariachiaren zuzendari izendatu zuten eta izena aldatu zion: Mariachi Los Camperos. Areto honetatik estilo bat landu du, mariachia ez delarik jadanik kantari baten laguntzaile soila, baizik eta protagonista osoa. 1969an, La Fonda de Los Camperos, Estatu Batuetako lehen mariachi jatetxe-antzokia ireki zuten. Taldea genero honetako erreferentzia nagusietako bat da, bai Mexikon bai Estatu Batuetan egindako birak direla eta: Tucson International Mariachi Festival, Fresnoko Viva el Mariachi Festival eta Guadalajarako nazioarteko mariachi jaialdia Degollado Teatroan.
Astelehenero bezala Ekaitz Hernandez teknikari dugula, Izaskun Larrabeiti, J. A. Torre Altonaga “Medius”, eta Jabi Lauzurika elkartu gara euskal futbol taldeak asteburuan egindako jardunak komentatzeko; halaber, gure nesken emaitzak ere hizpide ukan ditugu. Ez dugu ahantzi 4 t´erdiko final erdia eta Titin-Irujo, zein Barriola_Olaizolaren arteko pilota partidak eta bukatzeko txirrindularitzari ere erreparatu diogu. Zuen gustokoa izango delakoan, ez adiorik. Deskargatu nahi baduzu, klikatu 
Etxebizitza arazo larri bihurtu da hainbat lagunentzat. Pasa den astean, Ramón Fernández Durán ekologista eta idazle madrildarra Bilboko Ekoetxean izan zen etxebizitzaren muinak eta gakoak aztertzeko asmoz: horra hor eskubidea, prezioen arrazoiak, espekulazioa, burbuila, gizarte mugimenduen erantzuna, etxebizitza hutsik… Horretaz eta gehiagotaz aritu da gaurko Solasaldian Josu Larrinaga. Solasaldi hau deskargatu nahi baduzu, klik 
Argazkian ikusten den Leire Bilbaoren gidaritzapean joan zen Gernikan Azaroaren 19an jokatutako Bizkaiko Txapelketaren lehen final aurrea. Gaurko emanaldi honetan bertan entzundako zenbait pasarteri erreparatu diegu. Gogoratu domeka honetan hilaren 26an alegia 2. final erdia jokatuko dela Getxon. Saioa 
Tarte zabala eskaini dio Pedro Elias Igartuak saioaren amaiera aldean Jerry Lee Lewis rock pianojole eta kantari apartari. 71 urte dituela, Last Man Standing (Zutik dirauen azken gizona) izeneko diskoa atera berria du amerikar musikariak, bere indar eta bizinahiaren erakusgarri. Disko horretan rock musikan nor diren guztiak ditu laguntzaile, 21 izar guztira. Garrantzi handiko musikaria eta diskoa, berak dioenez, hastapeneko rock zahar hartatik bizirik dirauen zuri bakarra bera baita. Jazz doinuak ere izan ditugu entzungai Serbia eta Portugal aldetik Nenad Vasilicen Honey and Blood (Eztia eta odola) eta Jose Peixoto eta Maria Joaoren Pele (Larruazala) diskoekin, hurrenez hurren. Euskal musikari dagokionez, Elkar diskoetxeak Xabier Lete eta Lourdes Iriondoren diskografiaren gainean plazaratu dituen bildumak aurkeztu dizkigu Pedrok. Bestalde, bi aste lehenago aurkeztutako Africando senegaldar taldearen saltsa afrikarra ere izan dugu eta Sly and The Stone Familyren funky musika gogoratu dugu. Saioa deskargatzeko, klikatu 