Ruso eta Andres Belmonte musikariek proiektu berria abiatu dute: la kermes. Arratsalde eguzkitsuetako solasaldi eta jaia da Kermes. Diskoa ere horrelakoa da, solasaldi bat, sakona, gogoeta bat munduari. Hizkuntza asko daude elkarrizketan: gaztelania, frantsesa, euskara… eta musika anitza. Gurean izan dira, disko berriarekin. Eta elkarrizketa koloretsua atera diegu. Musikari onak eta kolaboratzaile ezagunak tartean. Entzuteko modukoa.
Eta saioaren bigarren zatian Zarautzen asteburuan burutuko den software asteburu librea izan dugu hizketagai. Programaz jardun gara, dauden gauza interesgarriak, eta Richard Stallmanen bisita gogoratu dugu. Asteburuon, Zarautzen.
Irrati emankizuna deskargatu gura baduzu: HEMEN.
Entzun: [audio:http://www.bilbohiria.com/docs/podcast/irratiacom/irratiacom060613.mp3]
Entzun orain
Biztanleria hirietara bildu zen XX. mendean. Mundu osoko fenomenoa dugu hauxe. Berdin gertatu da Asian, Afrikan zein Amerikan. Hirian bizitzeak baditu bere abantailak. Ezin da ukatu hori. Baina baditu bere desabantailak ere. Direnik eta handienak izanagatik ere, hiriak txiki geratzen zaizkie azkenean hiritarrei, jende gehiegi metatzen baita beraietan. Jendea hara eta hona ibiltzen da hirietan, korrika eta presaka beti, eta horrek, ezinbestean, estresa sortzen du. Bestela esanda, hiriak erakarri eta uxatu egiten du, denbora berean. Dena den, makrohiriak alde batera utzita, badira –edo izan daitezke– gizakiaren neurrira egindako hiriak. Horixe uste dute, behinik behin, Slowcities mugimenduko partaideek. Horrelako hirietan ingurumena arreta handiz zaintzen dute, bertako produktuei ematen diete lehentasuna, denda txikietan erosten dituzte produktu horiek eta bertako kultura babesten eta bultzatzen dute, besteak beste. Gotzon Hermosilla kazetariak ondo ezagutzen ditu hiri lasaietako ezaugarriak, joan den igandean artikulu bikaina idatzi baitzuen gai honetaz Berria egunkarian. Eta gaurko solasaldian zehazki azaltzen digu zer diren slowcitiak. Solasaldi hau deskargatu nahi baduzu, egin klik 
Fermin Muguruza izan dugu gurean, diskoa kaleratu zuenetik hilabetea igaro denean. Aurkezpenak egin ditu lehenbizi Donostian (Euskal Herria), gero Madrilen (Espainia), Bartzelonan, Parisen eta Berlinen ere egin asmo zuen, baina aitaren heriotzak dena gelditu zuen. Orain, egin duen lehen elkarrizketa eskaini dio irratia.com emankizunari.
Azpeititik heltzen den talde berriaren bisita izango piperpolisen. Ezinean laukotearen lehenengo lana ezagutuko dugu. Gor diskoetxearekin plazatu berri dute izen bereko diskoaz hitz egingo dugu. Hardcore melodikoa egiten dute.
Kantu anitz, musikari anitz eta musika anizkuna, horrelaxe laburbil liteke Pedro Elias Igartuak gaurkoan prestatu duen Soinugela. Fermin Muguruzaren Euskal Herria-Jamaika Clash diskoarekin abiatu da saioa; hurrengo minutuetan reggae giroan segitu dugu Kubako eta Jamaikako musikariak biltzen dituen Ska Cubano taldearekin eta New Yorketik reggaea egiten duen Matisyahu juduarekin; Britainia Handian 60ko hamarraldian egiten zen soula gogoratu dugu Geno Washingtonen musikaren bidez; Howe Gelb amerikar kantautoreak bere azken diskoa ekarri digu: There Is No Angel Like You (Ez dago zu bezalako aingerurik); etxera itzulita, Doctor Deseok eta Juan Carlos Perezek beren azken emaitzak aurkeztu dizkigute; gero, Hego Amerikara jo du Pedrok bi emakumeren ahots paregabeez goza dezagun: Susana Baca, Peruko kantari beltza, eta Marta Gomez, Kolonbiako abeslari gaztea; Martin Lubenov bulgariar soinujolearen maisutasuna iritsi da gero eta MOJO aldizkariak azken hilabetean punkari egin dion omenaldi gisakoa ezagutu dugu. Saioaren azken atalean luze aritu zaigu Pedro Elias Igartua Bruce Springsteenen azken lanaz. Gorazarre egin nahi izan dio amerikarrak Pete Seeger mitikoari. Horretarako, bete-betean murgildu da Peteren giroan, hamazazpi lagunek osaturiko folk banda on baten laguntzaz. Folkaren doinu klasikoez gain, jazzaren eta cajun musikaren oihartzun nabariak darizkie Brucek disko honetarako egin dituen moldaketa lanei. Saioa deskargatzeko, klikatu 