ZUTARGI ARTEAN: Gernikako sarraskia oroituz
api 28, 2006 Entzungai (podcast), Zutargi Artean
Faxistek euskaldunen aurka egindako sarraskiaren 69. urteurrena dela eta, gertaera lazgarri hark musika klasikoan izan duen oihartzuna eman digu ezagutzera Ainhoa Markinez saiogileak. Horretarako, urte berean (1966an) konposatuak izan arren, estiloaren aldetik inolako zerikusirik ez duten bi pieza jarri dizkigu entzungai: bata Pablo Sorozabalen Gernika obra, estilo klasikoan moldatua, orkestraz gain, txistuak eta abesbatza dituena, eta bestea Leonardo Balada katalanaren Gernika, estilo banguardistan burutua. Saioaren bigarren zatian atzerriko musika klasiko garaikidea izan dugu. Bateko, Genesis rock taldearen organojolea izandako Tony Banksek duela bi urte kapritxo gisa konposatutako Seven suitetik Spring Tide eta Gateway atalak entzun ditzakezu eta, besteko, Samuel Barber amerikarraren Adaggio For Springs ezaguna ere entzungai daukazu. Deskargatzeko klikatu HEMEN.
Entzun:
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
POTTO: Bilintxen 175. urteurrena eta Gernikako bonbardaketa
api 28, 2006 Entzungai (podcast), Potto
Efemerideen eguna izan da gaurkoa Potto irratsaioan. Euskaldunon kulturan eta historian berebiziko garrantzia izan duten bi data oroitarazi nahi izan ditu Jabi Lauzurika saiogileak: alde batetik, Indalezio Bizkarrondo Bilintx bertsolari apartaren jaiotzaren 175. urteurrena eta, bestetik, Gernikako bonbarketa kriminalaren 69. urteurrena. Horretarako, lehen kasuan Bilintxen Kontxesirentzat bertsoak izeneko lan ahaztezina jarri du entzungai eta, bigarren efemerideari dagokionez, Basarrik 1938an Gernikako bonbardaketaren ondorioez egindako bertsoak entzun ahal izan ditugu. Horrezaz gainera, Bilboko Kafe Antzokian duela hiru urte egin zen bertso afarian Maialen Lujanbiok eta Sebastian Lizasok saio librean botatako bertsoak gogoratu ditugu. Azkenik, bertsozaleek hurrengo egunetan dituzten hitzorduak aipatzen dira. Deskargatzeko, klikatu HEMEN.
Entzun:
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
EREMUZ KANPO: 24. saioa, Haria galdu genuenekoa
api 27, 2006 Entzungai (podcast), Eremuz Kanpo
Hari gidariak alde batera utzirik, Eremuz kanpo irratsaioaren atal finkoei eskaini diegu gaurko emanaldia. Areto sarraskia deituriko atalean V For Vendetta eta Volver disekzionatu ditugu; Jan Svankmajer animatzaileaz ere jardun dugu, eta pop abestien atalean The Turtles, Bob Dylan eta Nick Cave gonbidatu ditugu. Amodio eta gorrotozko kanta bat eskaini diogu, amaitzeko, Before Sunset filmari.
Deskargatzeko saioa, klikatu HEMEN.
Entzun:
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
SOINUGELA: Islamiar herrialdeetako musika
api 27, 2006 Entzungai (podcast), Soinugela
Saioa Los Coronas madrildar taldearekin abiarazi du Pedro Lias Igartuak, egun honetan bertan Bilboko Kafe Antzokian kontzertua emango dutela eta; gero, Putumayo disketxeak Karibeko musikaz atera duen diskoa komentatu du eta Ska Cubano taldea entzun dugu; Romica Puceanu errumaniar kantaria etorri da geroago; horren ostean, jazza, klexmerra eta Balkanetako eta Kataluniako musika uztartzen dituen Dúnbala Canalla taldea ezagutu dugu; Joao Afonso portugaldarrak Outra vida (Beste bizitza bat) diskotik kanta bat eskaini digu; Javier Colina nafar baxujolearen Si te contara (Esango banizu) diskoan jazza, flamenkoa eta Kubako musika uztarturik ikusi ditugu; Benito Lertxundik eta Judy Collinsek kantu beraren bertsio bana ekarri digute (Zergatik utzi kantatzeari); eta Norah Jonesen azken proiektuaren berri ere izan dugu: Little Willies country proiektua. Bigarren zatian islamiar musika heldu da: Yemengo Duoud & Abdulatif Yagoub; Ibn Bayaren Cantos de la noche (Gaueko kantuak), XVIII. mendeko musika andalusia; Thione Seck senegaldarrak zenbait musikari indiarrekin eginiko diskoa; Aynur Kurdistango emakume kantariaren Nupel diskoa; eta Turkiako popa, Putumayok atera duen Turkish Groove (Turkiar ildoa) diskoaren bidez. Deskargatzeko, klikatu HEMEN.
Entzun:
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
GAUBASA: Des-Kontrol eta Potemkin taldeak
api 26, 2006 Entzungai (podcast), Gaubasa
Elkarrizketak izan dira protagonista aste honetako Gaubasa saioan. Anartz Bilbaok ordu erdiko elkarrizketa bana egin die Des-Kontrol eta Potemkin taldeetako lagunei, batzuek eta besteek disko berria plazaratu baitute Oihuka disketxearen eskutik. Des-Kontrol taldearen disko berriak Duintasunez eutsi du izenburua eta hirugarrena da euren ibilbidean. Hamahiru abesti ditu diskoak, horietarik hamar berriak izanik. 70eko punkaren eta 80ko oi! eta streetpunkaren eragin zuzena dauka Des-kontrol taldearen musikak. Bigarren ordu erdian Potemkin taldeko kideei eginiko elkarrizketa entzun daiteke. Potemkin taldeak rocka du abiapuntu, rock indartsua, boteretsua, gogorra, hard ukitukoa, ahots zarrastatu baten mendean eta gitarra sastakaden harian adierazkortasun handia hartzen duena. Gaurko saioa deskargatzeko klikatu HEMEN.
Entzun:
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
MUSIBLA: Jaume Sisa, Michael Gira, Xabier Montoia, Lali Puna
api 26, 2006 Entzungai (podcast), Musibla
Gaurko saioan Jaume Sisaren proiektu galaktikoaren berri izan dugu, 70eko urteetan grabatutako disko garrantzitsuekin. Beste aldetik, Ameriketako folk berriaren aitzindaria den Michael Giraren musika entzun dugu. Xabier Montoiaren azken diskoa ere ekarri dugu gurera, lan berri batean murgilduta dagoen xurrumurrua aitzakiatzat hartuta, nahiz Xabierren musika entzuteko aitzakiarik ez den behar. Azkenez, Munichetik datorren Lali Puna, Morr Musik eskuderiako talderik garrantzitsuena, tendentzia berrien asmatzaileak. Deskargatu nahi baduzu gaurko saioa, klikatu HEMEN.
Entzun:
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
BIGARREN LERROAN: Jazzaren alderdi ugariak
api 25, 2006 Bigarren Lerroan, Entzungai (podcast)
Beste askotan egin izan duen bezala, Gorka Gondra musika adituak jazzaren alderdi ugariak erakutsi dizkigu azken saio honetan. Gainera, oraingoan kanpoko musikariak ez ezik, Euskal Herriko emaitzak ere ekarri ditu bere irratsaiora. Besteak beste, honako artista hauek gonbidatu ditu saio honetara: Bobby Mc Ferrin bokalista ezaguna, Don´t Worry, Be Happy (Ez kezkatu, izan zoriontsua) kantari esker berebiziko arrakasta eskuratu zuena; Dizzy Gillespie tronpetajoleak bossanova bertsio bat dakarkigu eta Miles Davisen pieza bat ere entzun dezakezu. Musikari euskaldunei dagokienez, gaurkoan Errabal zigiluan Teresa Zabalzak atera duen diskoaren lagin bat ere entzun daiteke. Deskargatzeko klikatu HEMEN.
Entzun:
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
IRRATIA.COM:49. saioa: Tagzania, mapak eta mundua etiketatzen
api 25, 2006 Entzungai (podcast), Irratia.com
Googlemaps aplikazioak berrikuntza ugari eskaini ditu asteon, azkena gaur goizaldean Euskal Herrian goizeko 3:00ak zirenean. Adi adi jarraitu dituzte Eibarren tagzania.com egiten duten lagunek. Tagzania iazko uztailean (2005ean) pentsatu, asmatu eta gauzatu zuten, eta geroztik mundua etiketatzen dihardu ehundaka lagunek. Horretaz mintzatu gara Luistxo Fernandezekin. Elkarrizketa mamitsua izan da, eduki berriz hornitua. Beste adibide asko ere eman dizkigu eibartarrak, eta del.icio.us loturetan jarri ditugu zintzilikatuta. Zuek ere ikusi ditzazuen.
Elkarrizketaren ostean, Interneteko azken albisteak komentatu ditugu. Egunero berritzen eta garatzen ari den Interneteko berriak. Musika ona izan dugu lagun.
Saioa entzuteko, HEMEN klik egin.
Entzun:
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
PIPERPOLIS: Leihotikan, Castillo Suarez eta Euskal Herriko Trikitixa Elkartea
api 24, 2006 Entzungai (podcast), Piperpolis
Leihotikan (irudian) talde iruindarraren laugarren lana ezagutu dugu aste honetako Piperpolis saioan. Gurean Aitor baxujolea izan da. Leihotikan taldearen laugarren lanak Ilunago, ederrago du izena. Bestalde, Castillo Suarezek olerki liburu berria aurkeztu du: Bala hutsak. Poema zuzen eta bortitzak egin ditu Castillok, gizon-emakumeen arteko harremanetan sortzen diren zauriak arakatuz. Euskal Herriko Trikitixa Elkarteak aurkeztu berri duen Pirinioak liburuaz ere hitz egin dute Ane zabalak eta Galder Perezek. Soinu diatonikoarentzat egokia den herrialde bakoitzeko kantu eta dantzen hautaketa bat dago liburuan. Aragoiko, Okzitaniako, herrialde katalanetako eta Euskal Herriko abestien partiturak jasotzen dituen liburua da.
Horrezaz gainera, betiko atalak: Jon Trolloperen irratinobela, gomendioak, …
Deskargatzeko klikatu HEMEN.
Entzun:
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
BASKISTAN: Souad Massi, Aljeriako ahots xarmagarria
api 24, 2006 Baskistan, Entzungai (podcast)
Talentu handiko emakume hau Aljerian sortu zen 1972an. Denbora luzez jardun zuen musika ikasten, inoiz musikari bilakatzeko asmoz. Flamenko talde batean hasi zen jotzen, baina ez zuen arrakasta handirik izan. Geroztik, rock munduan egin zituen saio batzuk, baina benetako arrakasta 1999an heldu zitzaion, Parisen Femmes d´Algerie (Aljeriako emakumeak) zeritzan kontzertuan kantatzeko eta gitarra jotzeko aukera eskaini ziotenean. Gaurko Baskistan saioan musikari honen ibilbide artistikoa erakutsi digu Mikel Urbeltzek. Deskargatu 1.atala, 2.atala.
Entzun 1.atala:
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
Entzun 2.atala:
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
