BILBAOTIK EUSKAL HERRIRA (1. atala): Euskal Herria zenbakitan
urt 25, 2006 Bilbaotik Euskal Herrira
Oraingoan gauza berezia proposatu nahi diegu Bilbo Hiria irratiaren entzule lagunei. Gurekin batera Euskal Herrian zehar bidaia bat egin dezazuen proposatu nahi dizuegu. Bidaia bitxi samarra izango da baina. Zergatik bitxia? Bada, matematika lagun hartuta ibiliko garelako Euskal Herrian barrena. Horixe, zenbakiek bideratuko gaituzte bidaia berezi honetan. Eta bidaiatxoaren bukaeran hobetoxe ezagutuko dugu denok Euskal Herria, zenbakitan bada ere.
Irratia.com-eko lagunei esker onez
urt 20, 2006 Gurean zer berri
Teknologiaganako fedea ez da izan, alafedea, Bilbo Hiria irratiaren ezaugarri behinenetako bat. Ezin uka hori. Gogora dezadan, konparazio baterako, oraintsu arte ezin konponduzko arazo teknologikotzat jotzen genuela irratiaren emanaldiak Zenbat Gararen eraikinean bertan entzun ahal izatea.
Irakurri bidalketa honen gainerakoa »
“Bilbaotik Euskal Herrira” irratsaio berria
urt 20, 2006 Gurean zer berri
Datorren astetik aurrera, Bilbo Hiria irratiak “Bilbaotik Euskal Herrira” izeneko irratsaio berria eskainiko du, goizeroko “Ibaizabal” magazinean txertaturik. Euskara ikasten dabilen jendearen artean euskal kulturari buruzko printza llaburrak zabaltzea du helburu irratsaio berriak. Begien bistakoa denez, izenburuak, Imanol zenaren “Lau haizetara” kantuaren azken ahapaldia gogoan harturik, Bilbotik Euskal Herri osora eraman nahi du entzulea, uhinen bidezko bidaiatxo horretan herrialde guztietako eduki kulturalak erakutsiz.
