Saio honetan Tchaikovskyren bizitzari buruzko apuntetxo bat eta hainbat gertaera entzuteaz batera, bere hiru lanen atal batzuez gozatzeko aukera daukagu: Piano Kontzertua 1. zkia.ren lehen atala: Allegro non troppo e molto maestoso – Allegro con spirito; Eugeni Onegin operatik Lenskyren aria bat. Sinfonia “Patetiko”tik (6. sinfonia)- Allegro con grazia. XIX. mendeko errusiar musikagile ezaguna dugu Tchaikovsky. Txiki-txikitatik erakutsi zituen musikarako dohainak, baina 23 urte bete arte ez zuen musika ikasketak seriotasunez burutzeko aukerarik izan. Izaeraren aldetik, txikitatik ere urduritasun arazoak eta depresiorako joera nabariak zituenez, medikuek debekatu arren, ahal zuen moduan musika ikasteari ekin zion eta horretan aita berari laguntzeko prest izan zen beti. Zuzenbide ikasketak amaitu eta Justizia Ministeritzan funtzionario lanak bete zituen, baina handik gutxira dena utzi eta musikari eskaini zion bizitza. Errusiako “Bostak” taldearekin harremanak izan zituen, hau da, Rimsky Korsakov, César Cui, Balakirev, Mussorgsky eta Borodinekin. Bizitza pertsonala eta musika elkarri lotuta izan zituen beti, batak bestearengan eragin handia izan zuelarik. Instrumentu bakarrerakoi eta orkestretarako kontzertuak, ganbara musika, operak, sinfoniak, pianorako musika eta ballet musika izan ziren Tchaikovskyk gehien landutakoak. Saioa deskargatu bahi baduzu, klikatu HEMEN.

Entzun: