Aurreko astean agindu bezala, Toumani Diabateri buruzko monografikoa eskaini digu Pedro Elias Igartuak aste honetako Soinugelaren bigarren orduan. Baina horretara baino lehen, bestelako eskaintzak ere egin dizkigu. Honako hauek, hain zuzen ere: Rafa Ruedaren Bi musu abestia; Elvis Costelloren That´s How You Got Killed New Orleanseko kantua zuzenean; New Orleansekoa hau ere; hiri beretik irten gabe, Smiley Lewis ere izan dugu bere blues doinuekin; gero, Irlandako The Bothy Band folk talde historikoak Parisen eman zuen kontzertutik reel batzuk entzun ditugu; Joan Baez kantaria ere izan dugu gurean New Yorken 2005ean aurkeztu zuen disko berriaren bidez; haren ostean, Duncan Sheik kantautore budista jarri digu Pedrok; eta lehen zatiaren azken minutuetan Neil Diamond eta John Hiatten zenbait kanta entzun ditugu. Eta orduan Toumani Diabateren ordua iritsi da. Ordu batez Maliko kora jole apartaren ibilbide musikala gogoratu eta hartaz gozatzeko modua eman digu Pedro elias Igartuak. Saioa deskargatzeko, klikatu hemen: 1.atala, 2.atala

Enztun 1.atala:

Enztun 2.atala: