Bilbo Hiria irratia » Irratia.com

IRRATIA.COM 180.#: Delorean @ irratia.com

BilboHiria — Mon, 17 May 2010 17:00:03 +0000

Delorean taldeak Subiza diskoa plazaratu berri du, eta aspaldi honetan nazioartean jo eta bira dabiltza, batetik bestera. Ekhi Lopetegi, abeslari eta baxujolea gure artean izan da. Kantuen sorkuntza eta grabaketa prozesua, disko hau, taldearen ibilbidea, hurrengo proiektuak eta beste xehetasun batzuk kontatu dizkigu zarauztarrak.

Saio hau deskargatzeko klikatu HEMEN.

IRRATIA.COM 179#: Joanes eta Apaolaza kronika grafiko batean

BilboHiria — Mon, 10 May 2010 17:00:03 +0000

Ihes Ederra liburuaren egileak, sortzaileak hurbildu dira Bilbo Hiria irratiko estudiora. Joanes Apaolaza sortu zuten egileak, Luther Blisset euskaldun bat, Baionatik Gasteizera edo Iruñeatik Bilbora joan etorrian dabilen grafitilari bat, ekintzaile bat, artista edo sortzaile bat. Kritikoa eta irudimen handikoa.

Saio hau deskargatzeko klikatu HEMEN.

IRATIA.COM 178 # : Iparraldea 21 ezagutzeko parada

BilboHiria — Mon, 26 Apr 2010 17:00:00 +0000

Piperpolis eta irratia.com elkarrekin

Kontrabajua antzezlaneko zati bat irakurri eta sintonia entzun da. Eta gure gaurko saioak bi sintonia izan ditu: irratia.com aurkezteko erabiltzen dugun Jimmy Arrabitena eta Piperpolis ezagutzera erabiltzen ohi duguna. Ane Zabala eta Patxi Gaztelumendik egin dugu saioa.
Iparraldea 21 ikusentzunezkoa
sarean eta dvd euskarrian

Eta beste bi gonbidatu ere izan ditugu. Euskal Kultur Erakundeko Pantxoa Etxegoien eta Juhane Dascon dokumentalaren egilea izan dira gurean, Iparraldea 21 proiektuari buruz berbetan.

Irratsaioaren ostean, Bilboko Kafe Antzokian dokumentalaren proiekzioa izan da. Eta ostean solasaldia egile eta arduradunekin. Benetan gauza eta ideia interesanteak sortu dira, solasaldi / eztabaida interesgarri baten ondotik.
SIROKA taldeari elkarrizketa

Ane Zabalak berriz, Siroka taldeko musikariak elkarrizketatu ditu, beraien lehen lanaren inguruan eta proiektu honen inguruko xehetasunak ezagutu ditugu Gorka eta Mariaren eskutik.

Piperpolis eta irratia.com saioen auzolan honetatik, ea bestelako ekoizpenik sortzen den aurrerantzean.

Saio hau deskargatzeko klikatu HEMEN.

irratia.com #177: EHZ, Heletan bigarrenez

BilboHiria — Mon, 19 Apr 2010 17:00:12 +0000

Euskal Herria Zuzenean jaialdia aurten uztailaren 2tik 4ra izango dugu Heletan. Iaz lekuz aldatu zen EHZ, Xiberoko barnealdetik kostaldera hurbilduta baina guztiz barnealdea utzi gabe. Heletako hautua arrakastatsua suertatu zen iaz, eta aurten bigarrenez bertan izango da jaialdia. Antolaketan dabilen Izarne Molinak eman digu aurtengo programazioaren berri eta iazko esperientziaren bilana egin dugu berarekin. Urtero bezala, musika emanaldiak izango dira erakargarri nagusiak: Rachid Taha, Gojira, Gose, Balkan Beat Box, Berri Txarrak… Baina festibala eta EHZ elkartea bera ezaugarritzen duten izaerak eta jarrerek argi uzten dute festibal komertziala baino, proiektu engaiatua dela Ipar Euskal Herriaren aitzinamenduan.

Saioa eskuratzeko HEMEN klikatu.

IRRATIA.COM #176: Egunkaria libre! eta Aiora Kintanarekin sorkuntzaz berbetan

BilboHiria — Mon, 12 Apr 2010 17:00:19 +0000

#Egunkaria libre! Sententzia plazaratu den egun berean egin dugu saioa. Eta zuzeneko konexioa egin dugu Martin Ugalde parkeko ekitaldiarekin. Gogoratu ditugu azken zazpi urteotan Egunkariaren alde egin ditugun saio, elkarrizketak, bideoak, ekimenak oro… Egunkaria eta libre etiketak gainera, sarean erabilienetakoak izan dira gaurkoan, gure inguruan zein eremu zabalagoan.

Ezagutzen dugu aspalditik, baina beraiekin berba egiteko gogo itzela genuen gainera. #Aiora Kintana elkarrizketatu dugu gero. Artista, sortzailea, komunikatzaile ona… Software librea eta webgunean iaioa eta batez ere hizlari ona iruditu zaigu. Sorkuntzaz, sareaz, teknologia berriez, generoaz, arteaz, Internet eta sare sozialak hartu ditugu hizpide. Elkarrizketa interesgarria izan da, baikorra eta emankorra duda barik. Aiora Kintanaren webguneaz berbetan hasi eta bere azken kultur proiektuari buruz mintzatu zaigu amaieran. isuriarte.com

Saio hau deskargatzeko klikatu HEMEN.

IRRATIA.COM #175: Gaeltacht 2.0 #lnag10

BilboHiria — Mon, 22 Mar 2010 17:00:25 +0000

Irlandar bat Euskal Herrian eta euskaldun bat Irlandan. Biak batu ditugu irratian. Irlandan eta Euskal Herrian entzun daitekeen podcast bat egin dugu. Munduan zabalduko dugun mezu bat. Gaelikoak kezkatzen gaituelako jarri gara Rith (gaelikoaren aldeko korrika Irlandan) laisterketari begira. Gaelikoaren 2.0 aroan gaudela esan dezakegu orain. Arturo Villanueva eta David Henderson mintzatu zaizkigu Belfast eta Arrietatik. Irlanda, teknologia berriak, garapena, hizkuntza eta…. musika apur bat.

Saio hau deskargatzeko klikatu HEMEN.

IRRATIA.COM 174#: Elkano Browning Cream eta irlandar doinuak

BilboHiria — Mon, 15 Mar 2010 17:00:27 +0000

* Elkano Browning Cream taldea ezagutzen dugu aspalditik, baina beraiekin berba egiteko gogo itzela genuen gainera. Zuzenean ikusteko ere ez dugu aukera askorik izan orain arte. Bigarren lana plazaratu berri dutela eta, hiru astetan 15 bat kontzertu emango dituzte, hemen eta han. Azkena apirilaren 4an Bilboko kafe antzokian. Bartzelonara jo dugu Mikel Azpiroz (hammond eta pianojolea) musikariarekin berba egiteko. Entsaio batzuk egin, eta bertako jazz club batean abiatuko dute lan berria aurkezteko bira. Musikaz, munduaz, musikaren munduaz hitz egin dugu.
elkano browning cream diskoa, biografia, argazkiak, bideoak, kontzertuak….
* Irlandako doinuak, korrika eta gaelikoa 2.0 aroan jorratu ditugu gero. #lnag10 etiketa ikusgai egon da asteon sare sozialetan, Belfasten hasi zen rith 2010 Galwayn bukatuko da datorren martxoaren 17an, eta Sant Patrick eguna mundu osoko irlandarrek ospatuko dute. Euskal Herrian ere, badu oihartzuna festa honek, eta Bilboko kafe antzokian Erlea literatura aldizkaria aurkezteaz gain, Bizardunak taldeak kontzertua eskainiko du. Guk hori eta musika gehiago ere entzun dugu saio honetan.

Saio hau deskargatzeko klikatu HEMEN.

IRRATIA.COM 173# : Ikusentzunezkoen koloretako iraultza

BilboHiria — Mon, 08 Mar 2010 17:00:46 +0000

Ikusentzunezkoak eta sarea hartu ditugu hizpide. Telebista, bideoak, Internet, webtv… ohikoak bilakatzen ari zaizkigu. Testuingurura hurbiltzeko Bilbon burututako videoweb10 jardunaldia, Eskoriatzan burutu beharreko Komunikaldiak edota, 2009an burutako Greba orokorra eta Egunkaria libre emisioak hartu ditugu.
Ikusentzunezkoen koloretako iraultza marrazteko Gorka Julio Teketen izan da gurean. Ordenadore bat, kamara ttiki bat eskuan, ideien zirriborroak eta diskurtso koherentea eskaini dizkigu. Eta hainbat gogoeta egin ditugu, sareaz, euskal hedabideetaz, ikusentzunezkoen etorkizun hurbilari buruz.

* Iparraldea XXI Dokumentala, bideo laburrak eta bloga
* ORAIN: debolex ekoiztetxearen lanak
* azpitituluak.com

Musika lagun, sareko loturak eskainiz, saio multimedia egiten eta osatzen saiatu gara. Azkenerako esperimentu ttiki bat egin dugu, telefono batekin irudi batzuk zuzenean eskainiz saretik.

Saio hau deskargatzeko klikatu HEMEN.

IRRATIA.COM 171#SAIOA: Asel Luzarraga blogariari elkarrizketa

BilboHiria — Mon, 22 Feb 2010 17:00:41 +0000

Asel Luzarraga elkarrizketatu dugu irratia.com emankizunean. Txilen espetxeratuta egon ostean, etxeko atxiloaldi egoeran dago egun. Txiletik Euskal Herrira egiten duen lehen elkarrizketa honetan, bere egoeraren berri, gertaerak, akusazioen berri eman digu. Umorerik ez du galdu euskal idazle eta blogariak. Gogotsu mintzo da Anarkismoaz, maputxeen eskubideetaz, maitasunaz eta Euskal Herriaz.
Aselaskatu.org ekimenko partaide bat ere gurean izan da, auzolanean egin dugun saio honetan. Mila esker Dabid!

videoweb10
videoweb10
Internet sarea, bideo sorkuntza… batuko dira asteburu honetan Bilbon ospatuko diren videoweb10 topaketetan. Arantza Garces Nickdutnik saioko aurkezleak bideogintza eta sareaz mintzatu zaigu, bideosortzaileen topaketa aitzaki moduan hartuta

Saio hau deskargatzeko klikatu HEMEN.

IRRATIA.COM 170# saioa: Gora Ramonzin! biba RAMONez!

BilboHiria — Mon, 15 Feb 2010 17:00:47 +0000

EZgae eta Ramontzin aztertzeko, umorea eta kritika tarteko, saio borobila atera zaigu, oso oso musikala, zelan ez. RAMONez.
Rockanroll radio, lets go! Nola aldatzen diren gauzak, Kamarada! eta beste hainbat hit aipatu ezin direnak.Saretik ekarri dugun musika, la lista de sinde zerrendari erreparatuz. Putasgae.info klik egin eta grileterik gabeko kultura aldarrikatuz.
Ramoncin abeslariak ARGIA astekarian, 1985eko urrian: Oso ondo sentitzen naiz zuen artean

Saio hau deskargatzeko klikatu HEMEN.