Elkarrizketak, kronikak eta amaierako berbaldia ere zuzenean igorriko ditugu irratiz. Jarraitu nahi baduzue, eraman ezazue manifara irratitxo bat eta 96.0 FM sintonizatu Bilbon bertan.

Horrez gain, egunkarialibre.info webgunean zuzeneko telebista seinalea emango da Bilboko kaleetatik -irudiak zein audioak- eta gure irratiko estudioko irudiak tartekatuko dira, baita berriemaleek egindako argazkiak ere, denbora errealean. Twitterren jarraipena egingo da ere, minutuz minutu, manifestazioaren berri emanez.

Egunotan, epaiketaren haritik, ugaritu dira sarean auziperatuen aldeko elkartasun adierazpideak. Gorka Juliok artikulu batean kontatu duenez, oso esperientzia bizia eta polita egunotan bizitzen ari garena, bihar bertan hemen gure sintonian ere gauzatuko dena. Twitterren bero-bero dabil #egunkaria etiketa, Facebooken elkartasun taldea sortu da, informazioa eta atxikimenduak biltzen ari dira egunkaria.info webgunean… Hori guztia osatzera dator Interneteko ekimen berri hau. Emanaldia zuen gustokoa izatea espero dugu eta badakizue: zabaldu deialdia!

Herri ekimenetik sortutako irratia da Bilbo Hiria; bertako langileek egunero erakusten dute euskara, kultura,  komunikazio eta informazioarekiko engaiamendua; aldi berean, entzutea baino ez dago euren profesionaltasuna  antzemateko, bai uhinetarako bertsioan eta bai Interneten eskegitzen duten programazio oparoan ere.

Kolaboratzaileok urteak daroatzagu (batzuek gehiago, beste batzuek gutxiago) gure bizipen, hausnarketa, irizpide eta  balorazioak eskaintzen, ez beti nahi bezain zorrotz, baina beti Bilbo Hiria Irratiarekiko sentiberatasunarekin biziki  eskertuta. Ederki dakigu guk gure mezuek askotan ez dutela biderik topatzen komunikabide handi eta konbentzionaletan.  Entzuleekin han-hemenka ditugun kontaktuengatik badakigu, ondo jakin ere, jende askok eskertzen duela Bilbon eta  ziberespazioan jorratzen ditugun gaiei buruz entzuteko parada izatea.

Orain, berriz, Bilbo Hiria Irratia desagertzeko arrisku bizian dago, Bilboko Kafe Antzokian sortzen diren sosak baitira  bere diru iturri nagusia. Bai, Bilbo metropolitanoko euskaldunei Bilbo Hiria irratiak eskaintzen digun zerbitzu  publikoa Zenbat Gara Elkartearen ekimenetako bat da, beste asko bezala, Kafe Antzokian lan handiak eginez lortzen duten  diruarekin gauzatzen dena.

Horregatik dei egiten diogu egun Bilboko Kafe Antzokia ixteko mehatxua mantentzen duen Bilboko Udalari bertatik sortzen  diren kultura zerbitzu publiko ugariak mantenduz eta ostalaritza zerbitzu baten kasuan arrazoizkoak diren segurtasun  kontuak bermatuz akordio batera heltzeko bidea egin dezan, daukagun informazioaren arabera, uste baitugu  adostasun  horretara ailegatzea guztiz posiblea dela, borondate politikoa egonez gero, behintzat.

Honekin batera dei egiten diegu euskara, kultura, komunikazioa eta informazioa bermatu eta bultzatu behar duten beste  instituzio publikoei –hala nola Bizkaiko Foru Aldundia zein Eusko Jaurlaritzari- afera zail honetan zubi lanak egin  ditzaten, beti ere eskuragarria den akordio hori lortze aldera.

Bilbon, 2009ko otsailaren 6a

Sinatzaileak: Xabier Aierdi (EHUko irakaslea), Marie Agnes Gorostiague (Irulegi Irratia), Anartz Bilbao (GARAko  kazetaria), Luis Guridi (EHUko irakaslea), Alvaro Hilario (Kazetaria), Ainhoa Markinez (irakaslea), Txuma Murugarren  (Musikaria), Josu Zabala (musikaria), Txabi Landabidea (kazetaria), Mikel Asurmendi (ARGIAko kazetaria); Agus Pérez (Antzerki kritikaria), Mikel  Urbeltz (kultur kudeatzailea), Gotzon Hermosilla (BERRIAko kazetaria), Izaskun Larrabeiti (irakaslea), Agin Rezola  (kazetaria), Jon Miranda (Txolarre Irratia), Eleder Aurtenetxe (itzultzailea), Joxe Rojas (Topagunea), Ismael Manterola  (EHUko irakaslea), Patxi Gaztelumendi (Kazetaria), Galder Pérez (aktorea), Ane Zabala (kazetaria eta aktorea), Juan Carlos Etxegoien “Xamar” (idazlea eta ikertzailea) Jose  Luis Segura (EKAko prentsa arduraduna), Oier Iruretagoiena (musikaria), Josu Larrinaga (EHUko irakaslea), Hektor Ortega  (Kazetaria), Joseba Barandiaran (Ekonomilaria), Jojo Bidart (Irulegi Irratia), Arantza Madariaga (irakaslea), Jon Iñaki  Artetxe (postaria), Ane Aristi (Kazetaria), Pepe Aizpuru (Euskal Irratiak), Mikel Etxebarria (Radiokultura), Eneko  Olazabal (zinemagilea), Jabi Zabala (kazetaria), Ixidro Elgezabal (irakaslea), Mikel Bujanda (Euskalerria Irratia), Iñaki Barcena (EHUko irakaslea),   Lon Gorka Fernandez (musikaria), Pedro Elias Igartua (irakaslea eta kazetaria).

Saio hau deskargatzeko klikatu HEMEN.

Saio hau deskargatzeko klikatu HEMEN.

Saio hau deskargatzeko klikatu HEMEN.

Saio hau deskargatzeko klikatu HEMEN.

Atxikimendu hau deskargatzekop klikatu HEMEN.

Bilbo Hiria irratian kultura digitala, musika eta gizartea uztartzen dituen irratia.com irratsaioak 100. emanaldia igorriko du gaur Bilboko Kafe Antzokiko oholtza gainetik zuzenean. Saioa 22:00etan hasiko da eta bertan elkarrizketak, gonbidatu bereziak, bideoak eta sorpresa ugari izango dira. Saioaren ostean Bilboko BURP “Underground Report” proiektatuko da eta ondoren, irratia.com-eko soinu ingeniariek musika aukera aparta jarriko dute. Oholtzatik at Blogs & Beers gisako topaketa informala izango da. Nahi duenak bere ordenagailua ekarri ahal izango du edo, besterik gabe, garagardoa eskuan duela, berriketari eman. Ohi bezala, Bilbo Hiria irratiaren zuzeneko seinalearen bidez eta Interneten zuzenean emititzeaz gain, webcam bidez ere igorriko dugu seinalea zuzenean Bilbotik mundura.
Basque Digital Shepherds’ Meeting
Euskararen Nazioarteko Egunaren eta euskaldunok WSJek argitaratutako artikulu iraingarriari emandako erantzunaren testuinguruan, gure hizkuntza “Artzainen hizkuntza” bezala gutxietsi nahi izan dutenei zera erakutsi nahi diegu:

1. Ez dela txarra artzain kultura batetik etortzea. Euskal kultura tradizionala, munduko beste hainbat legez, oso aberatsa da naturarekiko harremanei dagokienez, hiztegiak ondo islatzen duen legez. Oso harro gaude horretaz, konplexurik gabe, horregatik ipini diogu ingelesezko azpititulu hori gure irratsaio-topaketari.

2. Euskara, egun, hizkuntza bizia da, zientzia eta teknologia kontzepturik jasoenak adierazteko gai. Era berean, sarean hainbat euskal internautok eguneroko harremanetan erabiltzen dugun hizkuntza da.

“Euskal kultura digitalizatu, kultura digitala euskaldundu”
Gizarte digitalaz, musikaz, eta jendarteaz jarduten duen irratsaioa da irratia.com 2004ko abenduaz gero. Zuzenean emititzen dugu asteazkenero 13:00etan (Euskal Herriko ordua) Bilbo Hiria irratiaren sintonian. Edonondik entzuteaz gain, edonoiz entzun daitezke irratia.comen saioak MP3 formatoan, blog honetan bertan edo podcast harpidetza bidez.

Irratsaioa eta bitakora lau lagunen artean egiten dugu:

* Patxi Gaztelumendi. Kazetaria, blogaria, musikazale egunez, literaturazalea gauez eta lantzean behin bertsozalea.
* Jabi Zabala. Kazetaria, blogaria, musikazalea, literaturazalea eta argazkizalea.
* Ibon Burgoa, teknikari lanetan eta musika aukeratzen.
* Ekaitz Hernandez, musika nahasketak eta ftp-podcast arduraduna.

Euskal Herriko lehen irrati digitalaren proiektua, hala ere, 2000ko azaroaren 1ean abiatu zen, egungoaren oso ezberdina zen kontzeptu batekin: webgune estatikoa, irratsaio bat eta musika kanalak zituen. “Euskal kultura digitalizatu, kultura digitala euskaldundu” leloarekin sareratu ginen orduan eta lelo hori izan da gure ardura nagusia denbora honetan guztian.
Basque Digital Shepherds’ Meeting: you are invited, Mr Johnson
http://www.sarean.com/sarean/892

Irlandako talderik mitikoena Bilboko Kafe Antzokira etorriko zaigu maiatzaren 23an, asteazkenean, Bilbo Hiria irratiaren 10. urteurrenaren zuzuan. Irlandako musika tradizionalak eman duen talderik garrantzitsuena da The Dubliners. 1962an Dublineko pub batean jotzen hasi ziren eta gerora Irlandako musika tradizionalean ezinbesteko taldea bilakatu dira. Euskal Herrian emango duten kontzertu bakarra izango da Bilbokoa.

Mundu osoan jardunean denbora gehien iraun duten taldeetakoa dugu The Dubliners, 45 urte baitaramatzate errepidean. Eurek zabaldu diete bidea Irlanda eta Eskoziako hainbat talderi, Chieftains, Pogues eta beste askori. Eurek hedatu dute Irlandako folk musika hainbat elementuren konbinaketari esker: euren ahots ikaragarriak, instrumentuak jotzeko era, bizar handiak, bizimodu basatia…

Kontzerturako sarrera 20 euro kostatuko da aldez aurretik, 22 txarteldegian eta 11 euro Zenbat Garako LAGUNA izanez gero. Bilbo Hiria irratiak (FM 96.0) berak lagundutako kontzertu honetarako hamar gonbidapen banatuko ditu egunotan bere entzuleen artean, hemen klik eginez galdera egoki erantzuten dutenen artean. Asteartean jakinaraziko dugu orrialde honetantxe nortzuk izan diren irabazleak.

EGUNERAKETA (maiatzak 22):
Irabazleak Alfredo, Antonio, Celeste, Nerea, Andoni, Arantza, Marian, Fernando, Aitor eta Estitxu izan dira. Bakoitzak emandako helbidera bidali diegu erantzun beharreko konfirmazio mezua.

Bilbo Hiria irratiak berak lagundutako kontzertua denez, 5 sarrera banatuko ditugu galdera erraz bat erantzuten duten lehenengoen artean.Lehiaketan esku hartzeko hasierako orrialde honetako eskumaldean dagoen inkesta erantzun dezakegu (ez da ezinbestekoa) eta, ondoren, Bidali iruzkina dioen lekuan edo hemen klik eginez, lehiaketako galdera erantzun.

Eguneraketa: Irabazleak Estibaliz Antxia, Iñigo Azkona, Aritz Diez, Ander Itza eta Arrate Saez de Zaitegi izan dira.