Egunkaria libre! Zuzeneko emanaldi berezia gaur
Abe 18, 2009 Gurean zer berri
Gaur irratsaio berezia egingo da Egunkaria libre! manifestazioa zuzenean kubritzeko, irratia.com eta egunkarialibre.info elkarlanean. Bilbo Hiria irratitik emitituko da eta Euskal Herriko hainbat irratik bat egingo dute gure zuzeneko seinalearekin, Interneten bidez. Emanaldian konexioak egingo dira manifestazioko zenbait tokitan izango diren berriemaleekin, zuzenean jasoko dugu Bilboko kaleetatik masiboa izatea espero den manifestazio hau, Egunkaria auziko akusatuei elkartasuna adierazteko deitutakoa.
Elkarrizketak, kronikak eta amaierako berbaldia ere zuzenean igorriko ditugu irratiz. Jarraitu nahi baduzue, eraman ezazue manifara irratitxo bat eta 96.0 FM sintonizatu Bilbon bertan.
Horrez gain, egunkarialibre.info webgunean zuzeneko telebista seinalea emango da Bilboko kaleetatik -irudiak zein audioak- eta gure irratiko estudioko irudiak tartekatuko dira, baita berriemaleek egindako argazkiak ere, denbora errealean. Twitterren jarraipena egingo da ere, minutuz minutu, manifestazioaren berri emanez.
Egunotan, epaiketaren haritik, ugaritu dira sarean auziperatuen aldeko elkartasun adierazpideak. Gorka Juliok artikulu batean kontatu duenez, oso esperientzia bizia eta polita egunotan bizitzen ari garena, bihar bertan hemen gure sintonian ere gauzatuko dena. Twitterren bero-bero dabil #egunkaria etiketa, Facebooken elkartasun taldea sortu da, informazioa eta atxikimenduak biltzen ari dira egunkaria.info webgunean… Hori guztia osatzera dator Interneteko ekimen berri hau. Emanaldia zuen gustokoa izatea espero dugu eta badakizue: zabaldu deialdia!
Kolaboratzaileen agiria: “Bilbo Hiria Irratia, beharrezkoa den ahotsa”
ots 17, 2009 Gurean zer berri
Irakurri bidalketa honen gainerakoa »
Behean sinatzen dugunok Bilbo Hiria irratiko kolaboratzaileak gara. Bertatik bertara emititu eta Bilbo metropolitano osoan entzun daitekeen euskarazko irrati bakarretakoa da Bilbo Hiria irratia, baina, aldi berean, pluraltasun eta irekitasun handiko komunikabidea ere bada, zalantzarik gabe. Gu geu ere bagara horren isla; irratiak bizi duen momentu latz honetan, hain zuzen ere, gure ahotsa ere entzunarazi nahi dugu.
SOINUGELA: Kafe Antzokiaren ibilbide musikala
ots 5, 2009 Entzungai (podcast), Gurean zer berri, Soinugela
Pedro Elias Igartua musika kritikariak segimendu zehatza egin du hasieratik Bilboko Kafe Antzokiaren ibilbide musikalaz. Makina bat kronika eta artikulu idatziak ditu bertan ikusitako kontzertuen gainean eta makina bat informazio batuak ditu beraietan. Gainera, urteak dira Pedro Elias Igartuak Kafe Antzokiari zeharo lotuta dagoen Bilbo Hiria irratian Soinugela izeneko musika irratsaio bikaina zuzentzen duela. Kafe Antzokiaren itxiera bidegabearen berri izan bezain laster, elkartasun keinu gisara, gure aretoa berriz zabaldu arte, saio guztiak hamahiru urteotan Kafe Antzokitik pasatu diren musikariei eskaintzeko erabakia hartu du Pedrok. Hona hemen, bada, orain arte egin dituen lau saioak.
Saio hau deskargatzeko klikatu HEMEN.
Saio hau deskargatzeko klikatu HEMEN.
Saio hau deskargatzeko klikatu HEMEN.
Saio hau deskargatzeko klikatu HEMEN.
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
IBAIZABAL: Kultura mundutik atxikimenduak
ots 5, 2009 Entzungai (podcast), Gurean zer berri, Solasaldia
Bilbo Hiria irratiaren Ibaizabal magazinean, Kafe Antzokiaren itxiera dela eta, Euskal Herriko eta atzerriko kulturgileek agertu duten atxikimendua hartu dute hizpide. Hango eta hemengo 400 kulturgile baino gehiago azaldu dira Kafe Antzokiaren alde. Tarte hau bere atxikimendua agertu duen Amparo Sanchezen Amparanoia taldearen kantu batez apaindua dago.
Atxikimendu hau deskargatzekop klikatu HEMEN.
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
bilbohiria.com-ek itxura berria
urt 25, 2009 Gurean zer berri
Egunotan Bilbo Hiria irrratiaren webgunea eraberritzen ibili gara. Instalazioa eguneratu eta itxura berria ezartzeaz gain, Zabaldu, Aupatu, bildu.net eta bestelako markagailuetarako loturak ezarri ditugu. Creative Commons lizentzia ere ezarri dugu webgunean eta, horren ondorioz, gure edukiak kopiatzeko baimena duzue. Gure testuak eta irratsaioak zure irratian edo zure webgunean erabiltzeko libre zarete iturria aipatuz gero (eta posible bada, halaber, erabilpen horren berri guri emanez). Orain arte bezala, webgunea abian jarri genuenetik egundainoko irratsaio guztiak aurkituko dituzue berton. Gogoratu beharra dago bilbohiria.com Wordpress kudeaketa sistemarekin egina dagoela.
Uda dator …
uzt 2, 2008 Gurean zer berri
Ekainaren amaiera honetan agur esango dio Bilbo Hiria Irratiak ohiko programazioari. Beraz, datorren irailera arte soilik noizean behin eskegiko dugu dokumenturen bat. Edozein kasutan ere, gogoratu entzule hemen eskegitakoen artean dauden zure gustoko programak entzuteko aukera duzula. Ondo pasa eta gero arte.
irratia.com-en 100. podcast-irratsaioa gaur zuzenean Bilboko Kafe Antzokitik
Abe 5, 2007 Albisteak, Gurean zer berri
[video]http://www.youtube.com/watch?v=iHlwwNNLPrU[/video]
Bilbo Hiria irratian kultura digitala, musika eta gizartea uztartzen dituen irratia.com irratsaioak 100. emanaldia igorriko du gaur Bilboko Kafe Antzokiko oholtza gainetik zuzenean. Saioa 22:00etan hasiko da eta bertan elkarrizketak, gonbidatu bereziak, bideoak eta sorpresa ugari izango dira. Saioaren ostean Bilboko BURP “Underground Report” proiektatuko da eta ondoren, irratia.com-eko soinu ingeniariek musika aukera aparta jarriko dute. Oholtzatik at Blogs & Beers gisako topaketa informala izango da. Nahi duenak bere ordenagailua ekarri ahal izango du edo, besterik gabe, garagardoa eskuan duela, berriketari eman. Ohi bezala, Bilbo Hiria irratiaren zuzeneko seinalearen bidez eta Interneten zuzenean emititzeaz gain, webcam bidez ere igorriko dugu seinalea zuzenean Bilbotik mundura.
Irakurri bidalketa honen gainerakoa »
SHARRIE WILLIAMS & The wiseguys bihar, Bilbo Hiriaren eskutik
eka 13, 2007 Gurean zer berri
Ostegunean blues eta gospel musiken izar baten bisita jasoko dugu Bilboko Kafe Antzokian, Bilbo Hiria irratiaren 10. urteurreneko ospakizunen baitan. Sharrie Williams 12 urterekin hasi zen abesten eta laster batean sartu zen Michigan estatuko Greater Williams Temple Inspirational Voices gospel abesbatzean. Ondoren The Voices of Joy eta The Sisters of Love taldeekin ere ibili zen abesten. Gerora Williams Temple abesbatza ospetsuarekin disko oso bat grabatu zuen Hubert Williams maisuaren gidaritzapean, baita Detroiteko Mattie Moss Clark gospel kantaria ekoizle moduan zegoelarik ere. Baina Sharrie Williams kantariaren erro musikalak ez datoz bakarrik gospel musikatik, soul, blues eta jazz esparrutik ere, eta bere abestietan Etta James, Aretha Franklin, Tina Turner eta Billi Holiday moduko kantarien eragina nabarmena da. Oraingon Bilbora talde oso batekin hurbiltzen zaigu, The Wiseguys. Antolatzailea: Bilbo Hiria 96.0 Fm irratia 10 urte ospatuz. Sarrera 15,00 euro kostako da (Zenbat Gararen LAGUNAK: 7,50 euro), baina webgune honen bidez 10 sarrera eskuratzeko aukera emango diegu internauta entzuleei. Sarrera bat eskuratzeko gure kontaktu orrialdearen bidez aupada bat ematea besterik ez duzue, zuen kontakturako datuak ematea ahaztu gabe. Lehenengo 10ek sarrera bana jasoko dute.
The Dubliners Bilbon, Bilbo Hiria irratiaren eskutik
mai 17, 2007 Gurean zer berri, Zenbat Gara
Irlandako talderik mitikoena Bilboko Kafe Antzokira etorriko zaigu maiatzaren 23an, asteazkenean, Bilbo Hiria irratiaren 10. urteurrenaren zuzuan. Irlandako musika tradizionalak eman duen talderik garrantzitsuena da The Dubliners. 1962an Dublineko pub batean jotzen hasi ziren eta gerora Irlandako musika tradizionalean ezinbesteko taldea bilakatu dira. Euskal Herrian emango duten kontzertu bakarra izango da Bilbokoa.
Mundu osoan jardunean denbora gehien iraun duten taldeetakoa dugu The Dubliners, 45 urte baitaramatzate errepidean. Eurek zabaldu diete bidea Irlanda eta Eskoziako hainbat talderi, Chieftains, Pogues eta beste askori. Eurek hedatu dute Irlandako folk musika hainbat elementuren konbinaketari esker: euren ahots ikaragarriak, instrumentuak jotzeko era, bizar handiak, bizimodu basatia…
Kontzerturako sarrera 20 euro kostatuko da aldez aurretik, 22 txarteldegian eta 11 euro Zenbat Garako LAGUNA izanez gero. Bilbo Hiria irratiak (FM 96.0) berak lagundutako kontzertu honetarako hamar gonbidapen banatuko ditu egunotan bere entzuleen artean, hemen klik eginez galdera egoki erantzuten dutenen artean. Asteartean jakinaraziko dugu orrialde honetantxe nortzuk izan diren irabazleak.
EGUNERAKETA (maiatzak 22):
Irabazleak Alfredo, Antonio, Celeste, Nerea, Andoni, Arantza, Marian, Fernando, Aitor eta Estitxu izan dira. Bakoitzak emandako helbidera bidali diegu erantzun beharreko konfirmazio mezua.
The Bon Scott Band, Bilbo Hiriaren eskutik
api 26, 2007 Gurean zer berri
1997an sortu zen The Bon Scott Band, AC/DC talde australiarraren zale amorratu batzuk bildu eta jam session arrakastatsuak egin ostean. Hor hasi zen egun talde mitikoak munduan duen tribute band fidelenaren ibilbidea. Fidelak dira halaber, TBSB taldeak dituen jarraitzaileak, Angus Young eta lagunen riff-ekin burua astintzea maite dutenak. Aurrekoan izandako arrakastaren haritik datozkigu rock’n'roll gau gozagarria eskaintzeko asmoz.
Bilbo Hiria irratiak berak lagundutako kontzertua denez, 5 sarrera banatuko ditugu galdera erraz bat erantzuten duten lehenengoen artean.Lehiaketan esku hartzeko hasierako orrialde honetako eskumaldean dagoen inkesta erantzun dezakegu (ez da ezinbestekoa) eta, ondoren, Bidali iruzkina dioen lekuan edo hemen klik eginez, lehiaketako galdera erantzun.
Eguneraketa: Irabazleak Estibaliz Antxia, Iñigo Azkona, Aritz Diez, Ander Itza eta Arrate Saez de Zaitegi izan dira.
