Ordiziar bilbotartua. Oso ezustean suertatu zitzaion Bilboratzea orain hamarka urte, eta ezustean deskubritu zuen gizarte hezitzaile jardutea zela bere gogoa. Halako baten zeinu-hizkuntzari buruz entzun zuen, eta “ze kontu martzianoa, hori ikasi behar dut nik ere!” pentsatu eta egin. Guk be, beste gai asko genituen buruan gaurko barriketaldirako (bere bidaiak, Urtxintxa eskolakoak,…), baina entzuteko urritasuna dutenen munduan, haien komuikatzeko eran eta Amagoiaren hitz-jarioan sartu eta konturatu barik joan da ordubete luzekoa. Muturik ez dagoela ikasi dugu, gainera. A, bai, Urtxintxa Eskolak aurten 25 urte, eta ikastaro honek ondo merezi omen: “Heziketa premia bereziak aisialdian”.
Erreferentziak:
Kantak:
Borisenak: Txuma Murugarren (Gauk, neskak eta maletak)
Xoriak kantan (Petti)
Entzun orain
!. Pentsamendu bisualaren garrantzia. Zirriborro iraultza zer eta nola. Zirri-afariak Bilbon. Austingo bizimodua bizia (munduko musika hiriburua omen),…
Nola lagundu antolakunde bati eraginkorragoa eta zorionekoagoa izaten? Nola lortu talde-lan armoniatsua? Zer ekarriko lioke horrelako lan-mundu bat gizarteari? Horrelako kezkak ditu Evak egunerokoan eta aholkulari dabil aspaldian antolakundeetan. Psikologia ikasketak egin behar zituela argi zuen txikitatik eta geroztik ere beti galdera berriak egiten eta gehiago ikasten dabilen horietakoa dugu. Lanera bere izatea eramaten du oso-osoan, maskarak albo batera utzita. Eta horrela jokatzeak bete egiten du. Ezin bestela egin. Antolakunde-konstelazioei buruz jardun dugu gaur luzaroen, bai eta pertsonetan oinarritutako erakunde transformazioaz ere. Maieutika, #Kanpaldiak eta geldiarazten gaituzten beldurrak ere mintzagai hartu ditugu. Zer ote litzateke mundu hau bakoitzak benetan egin nahi behar duena zer den jakin baleki eta egin egingo balu? Zelakoa izango litzateke gure bizimodua, guk benetako “protagonismoa” hartuko ba geunke? Irudikatzen duzue? Erronka polita daukagu aurretik, bai horixe!
