bilbohiria.com - Bilbo Hiria Irratia » Berbaz

BERBAZ:MADALEN GOIRIA, etxeko hezkuntza edo Homeschooling delakoaz

BilboHiria — Thu, 15 Jul 2010 18:00:24 +0000

Eskolaratzea eta umeak heztea bat al dira? Ba al dago umeak eskolatik kanpo haztea? Zer dela eta? Zer onura dakar horrek? Zer zailtasun? Badira umeak eskolatik kanpo hobeto hazi daitezkeela uste dutenak. Izatez, eskola fenomeno barria dogu gizartean. (Espainian 1857koa omen gaia lehenegoz arautzen zuen Moyano legea. Gaur badira gure artean beste bide batzuk hartzen ari diren gurasoak.)

Legeak estuak dira, baina gauzak bestela egiteko aukerak ere, ugari. Esaterako, atzerriko zentru batean umeak matrikulatzea.
Bestela jarduteko arrazoiak? Umeen izatea eta erritmoa erdigunean jartzea konfiantzaz, eskolaren “kurrikulum izkutua” saihestea, erosotasuna, gurasoek eta ingurukoek parte hartzeko aukera oparoagoa, ekonomia… Madalen Goiria berbakide aparta honetaz guztiaz mintzatzeko, hiru urte luze daramatzalako gaia aztertzen.

“Zenbat eta gehiago sakondu, galdera gehiago buruan” esan digu berak.

Erreferentziak:

* Madalenen bloga: http://madalen.wordpress.com/ ; euskarazko aleak: http://madalen.wordpress.com/euskaraz/
* Egileak: John Taylor Gatto, John Holt (growing without school), Ivan Illich,…
* ALE (Asociación para la Libre Educación): http://educacionlibre.org

Saio hau deskargatzeko klikatu HEMEN.

BERBAZ:DIANA FRANCO, SOCIAL SOUND

BilboHiria — Thu, 24 Jun 2010 18:30:18 +0000

Aurreko egunean Crativity Zentrumek antolatutako Pecaha Kucha topaketan izan dira Fabian eta Diana “Social Sound” proiektuaren berri ematen. 20 argazki, 20na segunduz proiektatuta, euren asmoak azaltzeko.

Gaur erabilgarri dauden ikus-entzuneko eta informazio teknologiak (“mapping” delakoa, errealitate handitua -augmented reality-,…) konbinatuz, arte-ikuskizunetako publikoa erdigunera ekarri nahi dute, bat-bateko arte jardueran eragile bilakatuz. Hasieran gauza txikiagoekin esperimentatzen ari dira.

Dianaren esanetan arte-mundua nahiko itxia da, eta horrek guztiz bestelako eremuak arakatzeko aukera aparta ematen du. Lan egiteko modua ere irekia nahi dute. Proiektu jakinetarako osatuko dituzte unean uneko taldeak egitura egonkorrik sortu gabe,… Bilbao aldean euren proposamenak ezagutzeko aukerak laster: “Ez monokromo” eta “Hiriko gerrilla”. Adi ibili!

Saio hau deskargatzeko klikatu HEMEN.

BERBAZ:FERMIN ETXEGOIEN, Oñatiko bilbotarra, Autokarabanaz

BilboHiria — Sun, 20 Jun 2010 18:00:31 +0000

Bilbo Hiria Irratian eta “zenbat-gara-gintzan” bere zatia eman zuen hasierako urteetan. Oso urte biziak eta emankorrak. Euskara erdigunera etorria. Bilbo Hiria Irratia diseinatzen parte hartzeaz gain, “Ziutateaz”, “Hanka bat han” eta beste izan zituen beregain irrati honetan, Bilbao 80eko hamarkada aurkitu eta bertako egina zegoen ordurako.
Hitzaren eta euskararen profesionala dugu Fermin eta “Katu Kale” edo “Doctor Livingstone, supongo” haietan lan egindakoak “Kalaka” tb-saioko gidoiak egiten ditu azken urteetan, eta Euskadi Gazteko “Ekaitz Perfektua”. Berria-n ere idazten izan du eta bertako eguneroko idazte horrek erraztu egin dio liburua ateratzea. “Autokarabana” atera zaio. Lehenik bere “ahotsa” argi agertu zitzaion. Gero, liburuaren hasiera izan behar zuen eszena argi agertu zitzaion. Ondorengoa, egunero jarri eta botatzea izan da. Berez-berez atera zaio. Oso gustora irakurtzen den nobela. Ukitu egiten gaituena. Gaurkoa eta unibertsala. Eta nobela horren inguruan eman dugu konturatu barik saioaren zati nagusia.

Bilboko toki kutun bat eskatu diogu Fermini bukatzeko. Ezetz asmatu, Ametzola Parkea bota digu Ferminek. Ez-lekua.

Erreferentziak:

Autokarabana: http://www.pamiela.com/es/salaprensa/hemeroteca/157-autokarabana
Ekaitz Perfektua: http://www.eitb.com/audioak/gaztea/ekaitz-perfektua

Saio hau deskargatzeko klikatu HEMEN.

BERBAz:IRATXE ORMATZA IMATZ, bidaien, idatzien eta itzulpenen ganera

BilboHiria — Thu, 03 Jun 2010 16:00:08 +0000

Eguneroko bizitokiari eta bizimoduari bidaian dabilenaren begiez begiratzen dotso Iratxek. Horretan gustetan da, behintzat. Duela 7 urte Hego Ameriketako baztarretan ibili zan bera, ustebakoan motxila hartuta, han eukan neba Ekaitz barriz ikusteko aukerak bultzatuta. Nebagaz hasi, eta gero bera bakarrik ibili zen urte erdiz. Eta orduko bizipenez HEGOAK liburua osatu eban. Bizkaieraz idatzi be.

Itzelezko aldaketak eragin otsezan bidaia hark. Ordutik bere kabuz dabil lanean Bilbaon BERBA itzulpen zerbitzua eskainiz eta egunerokoa gozatzen. Horretaz berba egiteaz gain, txirotasun-aberastasunak, ordularia eta denbora, umeen lana eta zoriona, familia eta lagunak,… horrelakoak hartu doguz berbagai, ordubeteko solas atseginean.

Erreferentziak:

BERBA itzulpen zerbitzua: iraberba@yahoo.es

HEGOAK liburuaz: http://www.euskalkultura.com/albisteak/iratxe-ormatzak-hego-amerikako-sei-herrialdetan-bizitako-esperientziak-kontatzen-ditu-hegoak-liburuan

Saio hau deskargatzeko klikatu HEMEN.

BERBAZ:AHOZTAR ZELAIETA, kale gordinetik sortzen den arteaz, hip-hopa, rapa,…

BilboHiria — Thu, 06 May 2010 18:00:37 +0000

Lanetik atera eta kafetxoa hartzeko asti doiaz heldu zaigu Ahoztar. Master-Sillako lan horretan hamaika gauza ikas dezake batek, beste edozeinetan legez, zur ibili ezkero, eta hala dabil bera, bai horixe!
Ikerketa-kazetari gisa betean zebilen garaiko kontu batzuk ere izan ditugu mintzagai, baina gai horri beste saio baten tajuz heltzea hobetsi dugu.
Irratira igo orduko ez genekien ondo nondik jo behar genuen. Hasieran aitortu digu, baina, txikitan Marxen jarraitzaile itsu zenak gaur egun badituela beste erreferente indartsuagoak: kaleko errealitate gordinetik edan eta arte bihurtuta eman egiten duten hip-hop eta rap artistak, egungo sortzailerik interesgarrienetakoak, ezbairik gabe. Entzun eta jabetuko zara!

Udazkenean berriro gurekin, Ahoztar, badu eta hamaika hari nondik heldu!

: http://www.tas-tas.org/euskera/content/view/532/1/

Saio hau deskargatzeko klikatu HEMEN.

BERBAZ:ANGELA MENIKA, BIZIGUNE ZABALETIK.

BilboHiria — Thu, 29 Apr 2010 18:00:59 +0000

Urtebete luze dala, Larrabetzuko Elexalde auzoan guraso talde batek haien umeentzako hazkuntza-esparrua kudeatzen du. Txandaka guraso bi-edo egoten dira goizetan umeen kargu. Familia txokotik irten, eskolan sartu barik, tartean, komunitatean bestelako eredu bat proposatuz eta gizarte eraldaketan diardutela jakinik.

Oso esperientzia bizia eta aberasgarria. Haurdun taldean elkar ezagutu zuten sustatzaileek eta Larrabetzuko udalak utzi die eskola zaharra erabiltzen, herriarentzat antolatutako ekitaldien truke. Umeen hazkuntzan laguntzeko giltzak: maitasuna eta errespetua haiekiko tratuan libreago izateko (umeak eta helduak :-!) eta gurasoen euren hazkuntzaz arduratzea.

Erreferentziak
BIZIGUNE ZABALA: caibilbao@gmail.com
HAURDUN: http://haurdun.wordpress.com
JENDEA: Miguel Castro, Vega Martín, Cristobal Gutierrez, Rebeca eta Mauricio Wild,…

ENTZUN, ETA KUTSA HADI BAIKORTASUNEZ :-)!

Saio hau deskargatzeko klikatu HEMEN.

BERBAZ:Ixiar gartzia sormena lorarazten

BilboHiria — Thu, 11 Mar 2010 21:00:32 +0000

Funky Projects-en urte batzuk eman ondoren esperimentatzeko premia handi bat sortu zaio Ixiarri eta horri ekin dio azken hilabeteetan: Pink Gorillas izena du esperimentuak eta funtsean, pertsona bakoitzak duen sormenari eta izaera berezi horri bideak irekitzean datza, prozesu osoa gozatuz. Zer zara orain? Zer izan nahi eta ahal duzu benetan? Nola horrantza abiatu? “Hegaldiak” eratzen ditu Ixiarrek galdera horietan murgildu nahi duenarentzat.

Baikortasunez eta ilusioa piztuz begiratzen dio munduari Ixiarrek. Horren islada da, besteak beste Fururamak: guraso futuristen taldea. Zer-nolako espazioak eratu behar ditugu Bilbo baten guraso, haur,… izatea gehiago gozatzeko? Behin baino gehiagotan entzun beharreko saioa, hemen!

Erreferentziak:

http://pinkgorillas.blogspot.com

http://futuramak.blogspot.com

Saio hau deskargatzeko klikatu HEMEN.

ANGEL ZELAIETArekin BERBAZ, GABRIEL ARESTI hizpide

BilboHiria — Thu, 25 Feb 2010 18:00:10 +0000

Aurreko ostegunean Bidebarrietako Liburutegian aurkitu dugu Angel Zelaieta hitzaldia ematen. Gaia: Gabriel Arestiren Etxea Hierro egunkarian (1962-1966), tarte horretan aipatutako kazetan Gabrielek idatzitako 24 artikuluen (kultura-, gizarte- eta politika gaiak) gaineko ikerlana aurkeztuz.

Arestiren biografia idazteaz gain laguna zuen (1933-1975) eta “trumoia” zela dio Angelek. Gainera, bazuela bere izaera bereziaren kontzientzia argia (“Lugar-de-Aresti” abizena aipatzen omen zuen txantxetan, historiako une hori berari zegokiola adierazteko-edo). Arestik Javier de Ybarra y Bergé-rekin izandako tratua, Arestiren elizari buruzko iritzia,… eta beste hari batzuk ere agertu dira, ikertzen jarraitzeko modukoak horiek ere.

Erreferentziak:

ARGIAren bideoa, Aresti jaio eta 75. urtean: http://ttiki.com/10793

Gabriel Arestiren biografia, Angel Zelaietak idatzia: http://ttiki.com/10809

Saio hau deskargatzeko klikatu HEMEN.

BERBAZ:MAIALEN OREGI, Manahmana enpesan ekinean, harreman-berrikuntzan

BilboHiria — Thu, 04 Feb 2010 18:00:35 +0000

Kontsultoretza esperimentalan diardu Manahmanak. Sortu ere nahiko modu esperimentalean sortu zen 2008an. Team Academy delakoa jendeari enpresa sortzen laguntzeko metodoa da. Finlandiatik ekarritakoa. 10 lagun inguru aukeratzen dituzte eta urte batean zehar lidergoa, talde-lana. marketina eta antzeko gaiak lantzen dituzte “coach” delako baten laguntzaz. Baina, gai horietan trebatzeko lehenengo baldintza, ikastaroa hasi eta berehala euren laborategi izango den enpresa sortzea.

Horrela sortu zen MM 4 lagunek osatuta. Gizakien baliorik ederrenak lan munduan islada izan dezaten, hori haien ametsa. Zer eta nola egiten duten jakin nahi? Entzun!

http://www.manahmana.com/

http://www.teamacademy-euskadi.com/

Saio hau deskargatzeko klikatu HEMEN.

BERBAZ:GOIZANE AZPIRIgaz , sormena hizpide

BilboHiria — Thu, 28 Jan 2010 18:00:54 +0000

Sormenari, sortzeko ahalmenari buruz eman dugu gaurkoa Goizanegaz berbaz. Sortzen izateak gure burua eta gure barne-sentipenen mundua hobeto ezagutzeko aukera ematen digu. Zerk mugatzen gaitu? Zerk ematen digu benetako poza? Nola gainditu sortzeko eta gustorago bizitzeko trabak?

Guztiak gara sormentsu jaiotzez eta askori ahalmen hori kamustu egiten zaigu adinean behera.

Goizanek tailerrak eratzen ditu sormena berpizteko, helduekin eta haurrekin, artistekin zein kaleko jendearekin sormen-zirikatzaile dabil. Badu zer esana gaiaren inguruan. Entzun!
Harremanetarako: goizaneam@hotmail.com
Saio hau deskargatzeko klikatu HEMEN.