BERBAZ:Ixiar gartzia sormena lorarazten
mar 11, 2010 Berbaz, Entzungai (podcast)
Funky Projects-en urte batzuk eman ondoren esperimentatzeko premia handi bat sortu zaio Ixiarri eta horri ekin dio azken hilabeteetan: Pink Gorillas izena du esperimentuak eta funtsean, pertsona bakoitzak duen sormenari eta izaera berezi horri bideak irekitzean datza, prozesu osoa gozatuz. Zer zara orain? Zer izan nahi eta ahal duzu benetan? Nola horrantza abiatu? “Hegaldiak” eratzen ditu Ixiarrek galdera horietan murgildu nahi duenarentzat.
Baikortasunez eta ilusioa piztuz begiratzen dio munduari Ixiarrek. Horren islada da, besteak beste Fururamak: guraso futuristen taldea. Zer-nolako espazioak eratu behar ditugu Bilbo baten guraso, haur,… izatea gehiago gozatzeko? Behin baino gehiagotan entzun beharreko saioa, hemen!
Erreferentziak:
http://pinkgorillas.blogspot.com
http://futuramak.blogspot.com
Saio hau deskargatzeko klikatu HEMEN.
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
ANGEL ZELAIETArekin BERBAZ, GABRIEL ARESTI hizpide
ots 25, 2010 Berbaz, Entzungai (podcast)
Aurreko ostegunean Bidebarrietako Liburutegian aurkitu dugu Angel Zelaieta hitzaldia ematen. Gaia: Gabriel Arestiren Etxea Hierro egunkarian (1962-1966), tarte horretan aipatutako kazetan Gabrielek idatzitako 24 artikuluen (kultura-, gizarte- eta politika gaiak) gaineko ikerlana aurkeztuz.
Arestiren biografia idazteaz gain laguna zuen (1933-1975) eta “trumoia” zela dio Angelek. Gainera, bazuela bere izaera bereziaren kontzientzia argia (“Lugar-de-Aresti” abizena aipatzen omen zuen txantxetan, historiako une hori berari zegokiola adierazteko-edo). Arestik Javier de Ybarra y Bergé-rekin izandako tratua, Arestiren elizari buruzko iritzia,… eta beste hari batzuk ere agertu dira, ikertzen jarraitzeko modukoak horiek ere.
Erreferentziak:
ARGIAren bideoa, Aresti jaio eta 75. urtean: http://ttiki.com/10793
Gabriel Arestiren biografia, Angel Zelaietak idatzia: http://ttiki.com/10809
Saio hau deskargatzeko klikatu HEMEN.
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
BERBAZ:MAIALEN OREGI, Manahmana enpesan ekinean, harreman-berrikuntzan
ots 4, 2010 Berbaz, Entzungai (podcast)
Kontsultoretza esperimentalan diardu Manahmanak. Sortu ere nahiko modu esperimentalean sortu zen 2008an. Team Academy delakoa jendeari enpresa sortzen laguntzeko metodoa da. Finlandiatik ekarritakoa. 10 lagun inguru aukeratzen dituzte eta urte batean zehar lidergoa, talde-lana. marketina eta antzeko gaiak lantzen dituzte “coach” delako baten laguntzaz. Baina, gai horietan trebatzeko lehenengo baldintza, ikastaroa hasi eta berehala euren laborategi izango den enpresa sortzea.
Horrela sortu zen MM 4 lagunek osatuta. Gizakien baliorik ederrenak lan munduan islada izan dezaten, hori haien ametsa. Zer eta nola egiten duten jakin nahi? Entzun!
http://www.manahmana.com/
http://www.teamacademy-euskadi.com/
Saio hau deskargatzeko klikatu HEMEN.
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
BERBAZ:GOIZANE AZPIRIgaz , sormena hizpide
urt 28, 2010 Berbaz, Entzungai (podcast)
Sormenari, sortzeko ahalmenari buruz eman dugu gaurkoa Goizanegaz berbaz. Sortzen izateak gure burua eta gure barne-sentipenen mundua hobeto ezagutzeko aukera ematen digu. Zerk mugatzen gaitu? Zerk ematen digu benetako poza? Nola gainditu sortzeko eta gustorago bizitzeko trabak?
Guztiak gara sormentsu jaiotzez eta askori ahalmen hori kamustu egiten zaigu adinean behera.
Goizanek tailerrak eratzen ditu sormena berpizteko, helduekin eta haurrekin, artistekin zein kaleko jendearekin sormen-zirikatzaile dabil. Badu zer esana gaiaren inguruan. Entzun!
Harremanetarako: goizaneam@hotmail.com
Saio hau deskargatzeko klikatu HEMEN.
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
BERBAZ: ASEL LUZARRAGA gogoan HASIER REKONDOGAZ
urt 14, 2010 Berbaz, Entzungai (podcast)
Txilen urtebete lanean (itzultzaile, idazle eta bertako Maputxeen aldeko taldeetan) ibili eta gero, bizimodu alai eta oparoan, etxera etorri zaizkio atentatu batzuetan parte hartu izana leporatuz. Oso prozesu iluna. Bertakoek esanda, tamalez, ohituta daude horrelakoekin.
Hasier Rekondok aspaldi ezagutzen du Asel eta gure artean haren alde sortutakoen berrri eman digu, bere izaera isladatzen duten testu pare bat irakurtzeaz gain.
Asel, Punkamiñeren edo Lendakaris Muertosen hurrengoan elkar ikusiko dugulakoan, besarkada bat Bilbotik!
Aselen bloga: http://goiena.net/blogak/asel
Asel askatu: http://aselaskatu.org/
Elkarrizketa hau deskargatzeko klikatu HEMEN.
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
BERBAZ: Laura Mintegirekin solasean
Abe 31, 2009 Berbaz, Entzungai (podcast)
Berbaz hastean bagenekien zer berbagai utziko genuen bazter, baina
apenas zeri helduko genion. Bere burua aurkeztearekin bat agertu da,
gero, bere euskararekiko eta Bilborekiko grina eta horiek eta beste
izan dira ordubetekoaren ardatz: etorri barriak euskararen munduratzea
izango dugu gakoa. Eta euskaldunon gogoa, geureari zoriontsu eusteko
bermea.
Arrazakeria baino, diruagatiko bazterkeria omen da nagusi gaur eta
mundu mailan jendeak mugitzeko askatasunik eza (haien herrietako
ekoizpena ez bezala) eta paiaratzen den injustizia irauli beharrekoak,
katolizismoaren “karitatetik” landa.
Idazteari buruzko perlaren bat ere entzun diogu Laurari gaurkoa
bukatzeko. Entzun!
Saio hau deskargatzeko klikatu HEMEN.
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
BERBAZ: Gari; irakurri, idatzi eta musika zalea
Abe 17, 2009 Berbaz, Entzungai (podcast)
E
rronda kaleko DDT banatzailean eta Gatazka Gunean egiten du lan egunean sei orduz. Momentu gozoak ematen dizkio horrek ere noizbehinka. Eske etorriari liburu-aholkuak egin eta denbora bat garrenean esker ona adierazteko itzulitakoan, kasu.
Q liburua eman dute euskaraz azken Durangokoan DDTkoek, hain gogo onez irakurri zuten obra euskaraz irakurtzeko aukera izan behar genuela sinetsita. Bai eta, egileek nahi bezala (Luther Blisset taldea, WU MING orain), sarean irakurtzeko moduan jarri ere. Berak idatzitako RIGA liburu-”maketa”ko IKUSTEZINAK irakurri digu Garik ere eta horietaz gain, erlijioa(k), antiauroritarismoa eta azken aldian Bilbo aldean loratutako proiektu interesgarriak izan ditugu berbagai.
Erreferentziak:
- Gariren bloga: http://abaingoardia.wordpress.com
- Q liburua deskargatzeko: http://www.ddtgatazka.com/pub/ddt/asp/ddt_pub__dcg.asp
- Elkarrizketa hau deskargatzeko klikatu HEMEN.
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
BERBAZ:OIHANE RUIZ MENENDEZ arkitektura eta urbanismo parte-hartzailea
Abe 3, 2009 Berbaz, Entzungai (podcast)
HIRIA kolektiboan dabil Oihane eta arkitektura eta hirigintzan ditu bizibide. Duela hilabete batzuetako elkarrizketa oparoari jarraitu diogu, zeresan handia duelakoan. Gaurkoan honako gai hauek ardatz hartuta:
* zer egingo zenuke Bilbo hirian hirigintza eta arkitektura gaietan erabakiak zeure esku baleude?
* esku artean darabiltzan proiektuak: Corazon de María plazaren berregokitzea (euren esku dagoen proiektua) eta Tolosan burutzen ari diren parte-hartze proiektua
Erreferentziak:
2009ko urtarrileko elkarrizketa: http://www.bilbohiria.com/web/2186
www.hiriakolektiboa.orgI
Saio hau deskargatzeko klikatu HEMEN.
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
BERBAZ:USUNE (Truca-Rec): arropa birziklatzea eta artea mintzagai
Aza 19, 2009 Berbaz, Entzungai (podcast)
Bilbao Open Day 09an ezagutu genituen. Bertan, trapu zaharrak hartu eta nork bere pieza barri zoragarriak egiten eta egiten laguntzen ibili ziren Truca-Rec-eko Usune eta Enara ahizpak.
Oso giro polita sortu zen LMono-ko gela hartan, jendeari sortzeko aukera, espazioa, denbora eta laguntza ematen zaionean gertatu ohi den moduan. Toki horretan bertan (LMono-n, Iralan, Andres Isasi kaleko 8an) asteartero biltzen dira Truca-Receko bost partaideak eta atea zabalik duzu, zeure jantziak egiteari edo berregiteari ekin nahi badiozu. Sormena landu, pieza ederrak atera eta poltsikoa laguntzeaz gain, harreman politak loratuko dira bertan, ziur! Beheko helbidera idaztea aski duzu, nahi izanez gero.
Usunerekin, arteaz eta Guggenheimen egiten duen praktika-lanaz ere mintzatu gara, besteak beste.
Erreferentziak:
www.trucarec.wordpress.com
truca.rec@gmail.com
a! saldu ere saldu egiten dituzte haiek egindako jantzi birziklatuak. Goiko webgunean, haietako batzuk ikusgai
Saio hau deskargatzeko klikatu HEMEN.
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
BERBAZ:JOSEBA ARRIETA (1932an Santutxun jaioa), Santutxu eta Bilboko euskal giraos
Aza 11, 2009 Berbaz
+Santutxun bertan jaioa Joseba, eukaraz berba egitea zaila zen sasoi batean. Ama errigoitiarraren sabeletik secaren, baina, euskararekiko grina, eta 15 urteren bueltan Gallagatarren tabernan biltzen zen bere adineko batzuekin beraien kabuz euskara lantzeko, Zamarriparen gramatika liburua lagun zutela.
Gerora seme-alabak izan zituzten eta Karmelo ikastola sortu zuten, ondoren Kirikiño ikastolaren sortzaile eta kudeatzaile izan zen 5 urtez eta Gaztedi dantza-taldea ere urretik ezagutu zuen. Artean “Almacenes Goiri” ardo- eta likore-saltokian zebilen eta Fernández del Campoko dendan sortutako euskal giro aparta ekarri dugu berbatara.
Libururen bat aholkatzeko eskatuko diogu, eta besteak beste, Bilbon luzaro bizi izandako Eusebio Erkiaga idazle lekeitirra aipatu digu, eta haren liburu pare bat: “Abaitar zalduna” eta “Batetik bestera”.
… badauka zertaz berba egin gure Josebak, eta hurrengo batean ere etorriko zaigu, hoba ez!
Saio hau deskargatzeko klikatu HEMEN.
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
