Oraingo honetan Baskistan irratsaioak Irlandaraino eroango gaitu, Altan folk talde ezagunaren azken diskoa ezagutzera. Disko hau hamargarrena da taldearen ibilbide diskografikoan eta Local Ground (Bertoko lurra) du izena. Altan taldea orain dela 20 urte sortu zen Irlanda iparraldean, Donegal konterrian, eta bide luze horretan Irlandako herri musikak dituen talderik garrantzitsuenetako bat bilakatu da, beste hainbat musikarirentzat erreferentzia eta zutabe dena. Mairead Ni Mhaonaigh abeslari eta biolinjolea dugu taldearen burua. Saioaren bigarren orduan, ohi bezala, beste proposamen ugari egiten dizkigu Mikel Urbeltzek, herri musika hobetoxe ezagutzeko.
Deskargatu gaurko Baskistan saioa: 1.ordua, 2.ordua
Entzun 1.ordua: [audio:http://www.bilbohiria.com/docs/podcast/baskistan/baskistan1atala060313.mp3]
Entzun 2.ordua: [audio:http://www.bilbohiria.com/docs/podcast/baskistan/baskistan2atala060313.mp3]
Entzun orain
Entzun orain
Oraingo honetan Mikel Urbeltzek Mali aldera eraman gaitu bertako bi musikari gailenek batera grabatu duten diskoa entzun eta ezagutu dezagun. Ali Farka Toure gitarrajoleak eta Toumani Diabate kora joleak argitara eman berria duten In the Heart of the Moon (Ilargiaren bihotzean) izeneko diskoaz ari gara, noski. Biak ala biak Malikoak (bata iparraldekoa eta bestea hegoaldekoa), eta biak ala biak musikari apartak, baina tradizio ezberdinekoak. Disko honetan, ordea, ezin hobeto uztartu dituzte beren ezaugarriak. Disko honek dagoeneko Grammy saria eskuratua du eta, gainera, BBC3 musika irratiak banatzen duen World Music (Munduko musika) sarian lau finalisten artean dago.
Lehenengo orduan Solas irlandar taldearen azken diskoari buruzko monografikoa egin dugu (azala irudian). Irlandako folkaren ondarea jaso eta garai berrietara moldatzen jakin duen taldea dugu Solas. Irratsaioaren bigarren atalean, ohi bezala, hor-han-hemen ibiltzeko proposamena egiten dizuegu, sustraidun musikaren eskutik.
