Mahwash Afganistango kantari handiena izatearen ezagutza du. Maisu handien ikaslea izana, Radio kabul-eko emanaldiak zirela eta egin zen ezagun, 1970ean urte horretako artista saria eman zioten eta 77an ‘ustad’ edo maisu izendapena jaso zuen. Musika tradizio hau Indiatik joandako musikarien bidez garatu zen XIX. mendearen erdialdera eta bertako musika popularra bilakatu zen XX.ean Kabul Irratiaren bitartez. Sobietarren inbasioak, Muhaidinen eta ondorengo Talibanen erregimenek musika eder hauek debekatu zituzten. Garai haiek berreskuratzera dator Mahwash, afganistandar konposatzaileen omenez egindako diska honetan.
Baskistanen bigarren ordu erdian Azerbaidjaneko Alihan Samedov-en balaban doinu gozoak, Bosniako Kalesijski Svuci-ren erritmo bizkorrak edo Ofra Haza eta bere yemendar kantak.
Saio hau deskargatzeko klikatu HEMEN.
Entzun:[audio:http://www.bilbohiria.com/docs/podcast/baskistan/baskistan080519.mp3]
Entzun orain
Bob Brozman mundu mailako aditua da Pazifikoko musiketan, eta National Guitar izeneko gitarraren erakusle nagusienetakoa. Etnomusikologo bat, gitarrak azken 500 urtetan munduan zehar egin duen ibilbidea aztertzen diharduena. Lan hauen arira hainbat kolaborazio egin ditu herri ezberdinetako musikariekin, Okinawako Takashi Hirayasu eta Reunion irlako Rene Lacaille adibidez.
Gaurko saioan, lehenik monografiko labur bat. Kora Jazz Trio taldearen bigarren diska, “Part Two” izenekoa, 2005 urtearen amaieran argitaratu zen, eta lehenengo lanaren ildo beretik jarraituz, Afrika mendebaldeko musika tradizionalaren eta jazzaren arteko elkarrizketa bat proposatzen du. Elkarrizketa hau Atlantiko Ozeanoaren gain musika zubi imaginario bat eraikitzen duen hartu-emana da, amankomuneko doinu eta erritmo erroak partekatzen dituzten bi kontinenteen arteko elkarrizketa. Hirukotea osatzen dute: Abdoulaye Diabaté senegaldar pianojole aditua, Djeli Moussa Diawara 32 sokadun kora jole miresgarria eta…
Aly Bain eta Phil Cunningham, arrabitari eta akordeoilari bikote famatuaren azken diska dugu gaur gure saioan. Hogei urte elkarrekin jotzen ibili eta gero arrakasta eman dien formula tradizionalarekin jarraitzen dute. Eskoziako doinuak ardatz beste tradizioetako doinuak gehitzen dituzte, irlandarrak, quebec-tarrak, edo hainbat lagunen konposaketak. Aukera paregabe bat beraz, seguruenik inoiz izan den eskoziar arrabitari onenak eta eskoziar akordeoiaren eredua finkatu duen musikariak osatutako bikotearen sorta berriaz gozatzeko.
28 urte dira jadanik Amadou Bagayoko eta Mariam Doumbia elkartu eta musika egiten hasi zirela bikote moduan. Mariam, ezkontzetan eta jai tradizionaletan kantatuz hazi da, eta Amadouk berri, gaztetandik zorroztu ditu bere hortzak Les Ambassadeurs taldeko gitarrajole moduan, Afrika mendebaldeko banda legendazko eta beroenetako batean. Beraien azken diskak, ‘Dimanche à Bamako’ izenekoak, munduan zehar zabaldu den oiartzuna eman die, Manu Chaoren ekoizpenak lagundutako arrakasta. Dena den, bikotearen indarra berezkoa dela frogatzen du bere aurreko diskekin osatutako bildumak. Hau izango da programaren ardatza, ‘Sou Ni Tilé’, ‘Ge ni Mousso’ eta ‘Wati’ disken bilduma osatzen duen ‘Amadou & Mariam best of’. Saioa deskargatu 
Forro in the Dark taldeak, bere izenean dioen bezela, forro izeneko Brasileko ipar-ekialdeko generoa jorratzen du. New Yorkeko Nublu klubean asteazkenero bere emanaldia egiten duen talde honek, jendez gainezka izaten du aretoa, sarreran ilara luzea C hiribidean, dantzarako gosea duen publiko fidelak osatua. Taldeak ez du estilo honetako instrumentazio klasikoa erabiltzen eta perkusioek gidatutako haize, gitarra eta ahotsen konboa osatzen dute. New Yorken finkatutako musikari brasildarrek osatzen dute Forro in the Dark, eta bere lehen lanerako “Bonfires of Sao Joao” luxuzko kolaboratzaileak izan dituzte: David Byrne, Bebel Gilberto eta Miho Hatori.
Natividad “Nati” Cano mariachi musika jotzen hazi zen. Bere aita eta osaba musikariak ziren Guadalajaran eta zortzi urte zituenerako bazebilen beraiekin profesionalki. 1959an, hainbat taldetan ibili ondoren, Los Angelesera joan zen. 1961ean Million Dollar antzokiko mariachiaren zuzendari izendatu zuten eta izena aldatu zion: Mariachi Los Camperos. Areto honetatik estilo bat landu du, mariachia ez delarik jadanik kantari baten laguntzaile soila, baizik eta protagonista osoa. 1969an, La Fonda de Los Camperos, Estatu Batuetako lehen mariachi jatetxe-antzokia ireki zuten. Taldea genero honetako erreferentzia nagusietako bat da, bai Mexikon bai Estatu Batuetan egindako birak direla eta: Tucson International Mariachi Festival, Fresnoko Viva el Mariachi Festival eta Guadalajarako nazioarteko mariachi jaialdia Degollado Teatroan.
JAMELAO – 90 urte samban