Hasierako atalean Gerard Schneider suitzar margolariaz berba egin digu Ismael Manterola arte adituak, BBK-k Bilboko Kale Nagusian daukan arte aretoan 50eko hamarkada deritzan erakusketa ikusgai dagoela eta. Arte plastikoekin jarraituz, Cristina García Roderok Guggenheim museoan emango duen hitzaldian argazkilaritzaz egingo duen hausnarketa entzuteko gomendatu digu Ismael Manterolak. Irratsaioaren azken zatian elkarrizketa polit eta jostaria egin dio Mieltxo Monfort gure lankideak Txan Magoari magiaren magiaz.
Deskargatu nahi baduzu Artekaleko Kriseilua-ren azken irratsaioa klikatu HEMEN.
Entzun: [audio:http://www.bilbohiria.com/docs/podcast/artekalekokriseilua/artekalekokriseilua060307.mp3]
Entzun orain
Gaurko Artekaleko Kriseiluan Ismael Manterolak Bilbon diren bi erakusketaren berri ekarri digu: bata Marzana Espazioan dagoen Pedro Salaberri margolariarena; bestea, Abisal Espazioan Olatz eta Madelek egindako instalazioarena.Horrezaz gain, Parisen asteburuan ikusitako Ingresen eta Bonnarden erakusketak ere komentatu ditu Ismaelek. Irratsaioaren bigarren zatian Joseba Lazkanok egunotan Barakaldon BAIren “Te espero en la maleta” antzezlana izan du hizpide.
Artekaleko kriseilua Ismael Manterolak piztu du, Bilboko bi galeriatan diren Juan Miegen eta Mari Puri Herreroren erakusketak komentatzen. Geroxeago, Agus Perez antzerki-kritikariak egun hauetan izan diren / izango diren antzezpen batzuen berri ekarri digu.