Bilbo Hiria irratia

Euskal hedabideak hizpide osteguneko mahainguruan

jabea — Tue, 15 May 2012 20:29:23 +0000

Euskal hedabideak, euren izaera, egoera, ajeak eta etorkizuneko erronkak izango ditugu aztergai datorren ostegunean, hilaren 17an, goizeko 10:30etan Bilboko Kafe Antzokitik igorriko dugun irrati-mahainguruan. Zuzenean emitituko du Bilbo Hiriak FMaren 96.0 frekuentzian eta Internet bidez www.bilbohiria.com webgunean. Partaideak honako hauek izango dira: Topaguneko lehendakari Mikel Irizar, Anboto aldizkariko zuzendari Jone Guenetxea, Hamaika Telebistako erredakzio-buru Ane Zabala eta Berria Taldeko hedabideen arduradun Iban Arregi. Beraiekin Bilbo Hiriako hiru ahots tartekatuko dira eztabaida bideratzeko: Jabier Lauzurika, Mieltxo Monfort eta Xabier Monasterio.

Mahainguruan jorratuko ditugun gaiak, berriz, hauek izango dira:

1. Hizkuntzaren erregistroa: eredua, euskalkien erabilera, euskararen kalitatea…..
2. Euskarazko hedabideak eta kontsumitzaileak (irakurleak, entzuleak, ikusleak…): azterketak egiten al ditugu zer nolako “kontsumitzaileak” ditugun jakiteko ? Kontrolatzen al ditugu? Zer nolako harremanak lantzen ditugu?
3. Publizitatea: zer egin dugu, zer lortu dugu? Gure produktuak saltzen ba al dakigu ?
4. Informazio eredua: eredu propioa lantzen dugu edo Espainiatik-berri agentzietatik datorkigunak menperatzen al gaitu?
5. Krisia eta hedabideak: murrizketak, ondorioak, alternatibak…
6. Lorpenak: zer lortu dugu azken urteetan? Zer nolako erronkak ditugu etorkizunera begira?

Gai bakoitzari 15 bat minutu eman nahi genioke, eta bloke batetik bestera musika pixka bat jarriko dugu atsedenalditxoa hartzeko. Entzuleek esku hartzeko aukera izango dute Twitter bidez #hedabideak traola erabiliz, hemen bertan iruzkinak eginez.

KINGSTON HIRIA: James Bond, Ray Barretto, Nuyorican eta Beginning Of The End.

BilboHiria — Tue, 15 May 2012 18:00:14 +0000

Jamaikan hasi gara The Skatalites-ekin, New York-era joan gara gero Ray Barretto-rekin egoteko eta bere kantu batzuk entzun ostean, Harvey Averne, Eddie Palmieri, Ricardo Ray eta Bobby Cruz ere aurkitu ditugu New York-eko kaleetan. Saioa bukatzeko hegazkina hartu eta Bahametara joan gara Nassau-ra, Funky Nassau-ra The Beginning Of The End talde handiarekin. Beraz Ska, Boogaloo, Funk, Soul, beti bezala musika baltza, jartzen ditugun biniloak bezain beltza Kingston Hiria saioan.

Saioa deskargatu! (nahi badozu…)

PIPERPOLIS:Priscilla Band taldearen ‘Olor a Fonk’

BilboHiria — Mon, 14 May 2012 16:27:31 +0000

Gaurko piperpolis saioan dantzan ibili gara Priscilla Band taldeko
kideekin. Estudiora etorri dira eta lehenengo diskoan bildu dituzten
kantuen istorioak kontatu dizkigute. Olor a Fonk gau aurkeztu digute ,
larunbatean izango da hau Kafe antzokian.

saioa deskargatzeko klikatu hemen.

IBAIZABAL: Sarrikoko Zentrala

BilboHiria — Mon, 14 May 2012 10:00:19 +0000

Deustuko Erriberan eraiki nahi dituzten 5.000 etxebizitzak hornitzeko ziklo konbinatuko zentral bat eraiki nahi zuen Bilboko udalak. Krisia dela kausa, momentuz ez dute egingo, baina aferak soka luzea izan dezake Xabier Abianek kontatu digunez.

DESKARGATU HEMEN

ASTE HONETAN, ZER ?

BilboHiria — Mon, 14 May 2012 08:00:30 +0000

Gaurkoan Igor Elordui AEKren Bizkaiko prentsa arduradunak erantzun dio galderari.

DESKARGATU HEMEN

IBAIZABAL: Desleialtasuna

BilboHiria — Fri, 11 May 2012 12:56:26 +0000

Hauxe da Igor Erauzkin sexologoak gaur jorratu duen gaia. Zer da Desleialtasuna? Noiz ematen da eta noiz ez? Galdera horiei eta gehiagori erantzun die Igorrek.

DESKARGATU HEMEN

IBAIZABAL: EZ IRENTSI ! mugimendua

BilboHiria — Fri, 11 May 2012 11:38:08 +0000

Ez Irentsi mugimendua martxan jarri da iruzur eta lapurraketa handien aurka eta modu bitxi batean ari dira haien aldarrikapenak zabaltzen: bi egunean behin bikote batek gose grebari ekiten dio. Azkenak Portugaleten, Joseba Argintxonak azaldu digunez.

DESKARGATU HEMEN

IBAIZABAL: Argia astekaria (2322. zenbakia)

BilboHiria — Fri, 11 May 2012 10:28:26 +0000

Aste honi dagokiona eta azalean Hollanden garaipena: horren inguruko artikulua idatzi du Mikel Asurmendik. Asteko gaian “Jabetza eskubideak Interneten” eta Pertsonaia Ixabel Aleman emagina. Horietaz gain Durangoko Erralde hiltegia edo Arrantza jasangarria.

DESKARGATU HEMEN

ASTE HONETAN: Hamaika Telebista

BilboHiria — Fri, 11 May 2012 08:44:45 +0000

Ane Zabalak aste honetan eta datozen egunotan Bilboko Hamaika Telebistan ikusi ahal izango duguna kontatu digu.

DESKARGATU HEMEN

IBAIZABAL: Zero Waste Europeren Biltzarra

BilboHiria — Fri, 11 May 2012 08:41:02 +0000

Ostiraletik igandera bitartean Donostian egingo dutena. Zero Zaborra lortzea da helburua, Ainhoa Iraola Gipuzkoako aldundiko Ingurumen zuzendariak azaldu digunez

DESKARGATU HEMEN