Berriena
SOINUGELA: HANK WILLIAMS, THE UNRELEASED RECORDINGS.
uzt 2, 2009 Entzungai (podcast), Soinugela Iruzkina idatzi
Soinugelak irauten dituen bi orduetatik erdia Hank Williams handiarekin egin dogu, bere “The Unreleased Recordings” bilduma entzuten. Hank Williams-ek irratsaio bat egiten zuen egunero, baina 1951an hainbeste kontzertu ematen zituen, grabatu egin behar zuela. Grabazio hauek biltzen ditu “The Unreleased Recordings” diska hirukoitzak. Honetaz aparte Neil Young, Hertzainak, Teddy Thompson…
Saio hau deskargatzeko klikatu HEMEN.
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
Guztira hamabi ekitaldi izango dira hil honetan: aste honetan hitzaldi bat eta bi kontzertu izango dira, ostegunean (Primital) eta larunbatean (The Gories eta Oblivians). Datorren astean, berriz, Bilbao 4. Reggae Roots festibala hasiko da asteazkenean, ostegun eta larunbat horietan jarraitzeko. Bertan, besteak beste Alborosi, U Roy & Pablo Moses, Ethiopians… Hilaren 14an Lucinda Washington izango dugu eta hurrengo egunean Reggae Festibal horren azkena Tokyo Ska Paradise Orchestrarekin. Hilaren 15 eta 22an beste bi hitzaldi eta 16 eta 24an beste bi kontzertu (Dynamites eta Groundation). Abuzturako hainbat ekitaldi prestatzen ari direla esan digu Mikel Urbeltzek, Kafe Antzokiko Programazioko kideak.
Asteburuan hilaren 3tik 5a bitartean izango da aurtengoa Nafarroa Behereko Heletan. Arrosa eta Zuberoatik pasa ondoren inoiz baino egitarau potoloena prestatu dute Eneko Gorrik Euskal Herria Zuzenenan festibalako antolatzaileak esan digunez: musika, animazioak, dantza, herri-bazkaria, merkatua, pilota partida, haurren xokoa… Izen propioak aipatu behar baditugu ezinbestekoak dira, besteak beste, Manu Chao, Fermin Muguruza, Emir Kusturica edo The Congosena, baina Enekok komentatu duenez, hiru egunetako eskaintza zabalean jarri behar ditugu begiak. Ekologiari ere arreta berezia emango diote, bertako porduktuak bultzatzen edo aztarna ekologiko txikiena utziz. Honen inguruko informazio gehiago www.ehz-festibala.com atarian.
Gaur ere bi Alarde izan dira Irunen, Bilgune Feministako Izaskun Guarrotxenak kontatu duenez. Tradizionalean emakumeek solik kantinera bezala desfilatzen dute; Mistoan, aldiz, soldadu papera ere betetzen dute. Izaskunen ustez Mistoa indartzen ari bada ere, bide luzea geratzen da benetako parekotasunera heltzeko. Eta gakoa, besteak beste, Irungo eta Gipuzkoako erakunde publiko batzuetan datza. Bukatzeko, Alarde Tradizionala hasi berria zenean Irunen bertan izandako azken eraso matxistaren berri eman digu.
Gaurko lehenengo minutuetan poesia izan dugu hizpide. Juanra Madariaga gonbidatu dugu gurera bere azken poema liburuaren inguruan berba egiteko ‘Eroriaren logika’, susa argitaletxeak plazaratu berri du. Folk erradikala aldarrikatu du Bizardunak taldeak lehen diskoan. Hainbat taldetan aritutako bederatzi musikari batu eta Bizardunak taldea sortu dute. Festa eta poza aldarrikatu nahi dute Iruñatik datorren taldea.
Ekainari dagokiona eta betiko moduan kolore bitxiak azalean eta 36 orrialde informazioez beteta.Atal klasikoetan Gurera etorriak, Inkesta edo Deustuko historia (antzinako emakume izen euskaldunak) komentatu ditu Lur Malleak Deustualdeko Prest hilabetekariko zuzendariak. Monografikoa museo txikiei dedikatu diete eta elkarrizketa nagusia David Gonzalez Berri Txarrak taldeko baxulari berriari egin diote. Deustuko Gazte Asanbladaren 20. urteurrena, Four Friends taldearen disko berria eta egingo den “Nola ikusten duzu Deustu?” argazki lehiaketa ere aipatu ditu Lurrek.
Bizkaiko Foru Aldundiak azken bolada honetan bultzatutako egitasmoa batek baino gehiago jarri du zalantzan, Josu Larrinagak komentatu duenaren arabera. Bere ustez, Aldundiko egitasmoa gertatutako eboluzio elektoralean datza eta ematen du ez duela kontutan hartzen Urdaibai Bioesferaren erreserba dela. Dauden museoak hobeto kudeatzearen ordez beste negozio berri bat ireki nahi dute, nahiz eta Eusko Jaurlaritza berriak argi ez ikusi. Bukatzeko, egitasmo horrek Lurralde antolakuntza izango duen eragina aztertu du Josuk.
Krisiarekin hasi da Xabier Aierdi: krisia latza da eta aukera ere itun soziala lortzeko, mugituz gero jakina frantziar estatuan egiten ari diren bezala. Obamak sortutako espektatibak ere izan ditu aztergai: aldaketa handirik ez momentuz eta borroka nahi duenaren eta ahal duenaren artean. Europari buruz, ahulezia azpimarratu du Xabierrek, ekonomikoki indartsu baina politikoki oso ahul. EAEn aldiz, aldaketa handia izan da, EAJk Ajuria-Enea utzi baitu eta datozen hilabeteetan ikusiko da PSE gai den erreferentzia izateko. Bukatzeko oporrak aipatu ditu, beharrezkoak direla esanez baina aprobetxatzeko, garai ona delako egunerokotasunarekin “apurketa” egiteko.
Rekalde aretoan “70.eko Laborategiak” erakusketarekin hasi du Ismael Manterolak. Bertan denetarik dago eta besteak beste Oteiza, Balerdi edo Morquillasen lanak, edo Mari Jaia, muntai berezia eta dokumentazio askorekin: ez da erraza ikusteko, eta lasai hartu nahi izanez gero egun batzuk behar dira horretarako. Arte Eder Museoan, aldiz, Joaquim Mirren Antologikoa dago ikusgaia. Margoetan estetika eta “berotasun” mediterraneoa dira nagusi. Eta bukatzeko Ismaelek Erlea Manerosen argazki erakusketa komentatu du. Carreras Mujika galerian daude, enmarkatuta, Los Angeleseko paisai urbanoen irudiak dira, batzuk zuri-beltzean eta beste batzuk koloretakoak.
Larunbat honetan Lagatzu Eguna izenarekin ospatuko dutena eta Lagatzu Euskara Alkarteak antolatuta Ales Antxutegik kontatu duenez. Lagatzuko 10. urteurrena dela eta, Zamudioko hainbat elkarte bildu dituzte, goizeko 10etatik aurrera egitarau potoloari ekiteko: danborrada, kalejira, azoka, bertsolariak, harrizulatzaileak, herri-bazkaria, kantak, erromeria etabar. Alesek azaldu digunez, Zamudioko gehiengoa euskalduna da baina kalean ez da hori isladatzen. Horrexegatik jarraitu behar duten lanean, normaltasun osoz euskaraz bizitzeko.
